【中環在線】李家傑坐輪椅北上開會 - 李華華
李家傑搬行李跌親搞到腳掌骨折，料會坐住輪椅開兩會。資料圖片
全國政協及人大會議（兩會）今日開幕，據悉所有政協常委已經抵京，但恒地（012）聯席主席李家傑就唔好彩喇，佢因為自己搬行李唔小心跌親，腳掌骨折。華華問番恒地，佢哋就話李家傑傷勢唔嚴
重，毋須做手術，所以會坐住輪椅去開會。發言人仲話，因為政協安排咗最好嘅醫生治理，多謝政協秘書組及中聯辦照顧咁話。
李澤鉅發燒 缺席兩會
另一邊廂，內地就傳出騰訊（700）主席馬化騰因身體原因決定今年缺席兩會，只係交低咗七份書面建議。咁係咪應驗咗「人在江湖，身不由己」？骨折都要開會嘅李家傑，剛剛接任父親基業，係當打之年，梗係要搏。而馬化騰近來就喺一片是非中，密謀慢慢淡出，佢哋對開會有唔同反應，都好正常啊！
據了解，長和系主席李澤鉅上周已發燒，冇上班，並缺席兩會。佢諗緊咩？難估咯！
李華華
mailto:LiWaWa@AppleDaily.com
中環在線 - 李華華 舊文
來源 source: http://s.nextmedia.com
