魚樂無窮 - 唐牛 2020年5月26日
【魚樂無窮】零交易背後考量 - 唐牛
後市估計仍是chok爆，現階段要做嘅，就係mark低咩價位買咩股，時機一到立即出手。 資料圖片
「港版國安法」消息繼續發酵，藍籌兩極化走勢未變，港資舊經濟股如地產股、銀行股尋底再尋底，中資新經濟股則走強，恒指夾在中間，埋單微升22點，打和super。
噚日罕有地全日冇入市，持倉不加不減，點解？先講不減，星期四B股突然大洗倉，當日我除將B股清倉外，同時再收窄戰線，將非核心持股沽出，核心持倉亦順勢減磅，所以要沽嘅上星期已經沽曬。再講不加，增持目標都係新經濟股、物管、內需、醫療……但國安法帶來的其他影響，包括各國對中港的取態、中美貿易戰、本地社運活動等等還未浮面，對股市的衝擊有幾大，暫時難以量化。市場最怕的係不明朗因素，相信後市仍是chok爆，心儀板塊調整幅度唔算深，未夠值博率，所以我選擇停一停、等一等。
「如果最終世界和平，咪miss咗低位加貨的機會？」冇錯，如果係的話。但如果唔係呢？可以繼續殺落去，屆時又會成手蟹貨。前景未明，加上已有貨底在手，所以等雨過天青買貴些，或者再殺低啲恐慌性吸納，值博率都高過𠵱家衝入場。現階段要做嘅，就係mark低咩價位買咩股，時機一到立即出手，記住，機會係留畀有準備的人。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://s.nextmedia.com
