士佳說 - 張士佳 2020年6月26日
【#士佳說 】張士佳：持股排隊爆升
【#士佳說 】張士佳：持股排隊爆升
多謝幸運之神繼續眷顧我們這班「四變圖表派」，週三本欄預告會集中火力在#6185康希諾生物及#1801信達生物，（我只寫了兩隻，啱曬患有選擇恐懼症嘅讀者）結果兩隻都即日升10%以上，#1801我是一直都有，當天是增持，#6185我就等信號，一見信號，我提提學員，誰知他們不少已準備就緒，即日升到$ 225，可以買香檳，有留意本欄的，應知#6185是我和學生們經常關注的股票，上次在$ 271離場，今次在204再上車，此股風高浪急，無一定的把握都唔敢上車。
人說好事鮮成雙，周三卻喜事約定一齊來，我放注碼最重的#493，下午又爆升，從1.05持有到現在，10幾天已7成，最開心的是一齊持有的同學，其實在周二，我在1.37已落了部份車，但周三一突破1.48，我們新聞也未及細看，就掃掃掃，其後昔日首富保釋出獄，就知道可以趁好消息出些貨，所以提提學員「有入有食」，端午節肥肥了。手上持股紛紛爆升，唔知係唔係小弟教嘅班，長年爆滿嘅原因，我諗唔係，主要應該係因為我教得好（沾沾自喜中）嘅因果關係啫。
股升到會飛，但你看看指數是跌兩三點，到夜期時段，更跌多兩三百，致昨晚收復失地，我自己仍偏向逢低看好少少，至高位平倉，直至陽燭收高於25255。
咁好唔係全中，我周三有炒#9988，#3690牛，即市唔得，上午就拜拜，手上其他個股都上晒力，雖然周三個股升到飛起，但我也叮囑學員，入一走二，始終現在不宜陣地戰。
講多幾隻個股，講講中芯，周二顯風騷，周三再裂口上升做長上影，周三我就減了一半，觀望今日再算，如升到咁都唔回，我就真係十分佩服。
近日很多投資者都等物管重上升軌，甚至按捺不住，上了車，但我未有太大關注，反而其餘馬車跑出機會高，像Ｂ股或藥物相關，我相信不妨吼些大市值的，博高處未算高，此外教育個別都靚，像講了一段時間的＃1769思考樂，＃1773天立及新高教＃2001，都有力再上望，醫療器材整個版塊都向上，對份意向書一於少理，我覺得持有一些，等枝陰燭再破更穩健。
講開穩，其實一眾被唾棄的老掉牙，像#823領展，#1113長實，#2388中銀香港我唔覺得會太差,等枝像樣陽燭，我也會關注一下，畢竟不可能100%新經濟股的。
士佳說 - 張士佳 舊文
來源 source: http://skycheung.weebly.com
