【中環在線】新地「千億新抱」改名追仔？ - 李華華
新地郭家三代郭基泓（Christopher）幾年前同鳳凰衞視主播趙情晴（Rachel）拉埋天窗，仲生咗個寶貝女。不過睇返啲資料，原來Rachel近呢一、兩年已經改叫「趙勍勍」，無論喺公司註冊定捐錢都用新稱呼。
「勍」呢個字意思係強力、
強大、勁敵之類，不過「勍」、「情」同「晴」嘅國語併音一樣，所以郭太英文依然係叫「Qing Qing」。麥玲玲就話，改名不外乎想加強某方面嘅運勢，同襯返個人性格咁，「勍」比起「情」、「晴」感覺剛強好多，而且有啲冷僻，問十個人有九個都唔識。
華華就問過公關點解郭太要改名，但新地嗰邊就不予置評喇。話時話，豪門中人不嬲比較信風水玄學，過去同樣係千億新抱嘅長和李澤鉅老婆王富信，連生三女之後就改叫王儷橋，接下來就順利幫李家添咗個男孫，唔知今次郭太改名會唔會出於同一原因呢？
李華華
mailto:LiWaWa@AppleDaily.com
做過鳳凰衞視主播的趙情晴，現時已改名為「趙勍勍」。互聯網 中環在線 - 李華華 舊文
來源 source: http://s.nextmedia.com
