士佳說 - 張士佳 2021年10月4日
【#士佳說 】張士佳：失驚無神下跌
【#士佳說 】張士佳：失驚無神下跌
今朝份士佳說前兩日寫好了，主要係見瘟疫有機會有藥醫，雖然話醫唔晒，但都頂得下，又見美股造好，所以今日篇文係偏向寫好，但係臨出之前，見恆大停牌，大市議價又不升反跌，炒家觸覺話我聽，呢篇文可能出錯，但我又未諗到邊瓣好，所以決定抽起先，好在，冇累街坊。
好在謀定而後動，如果今朝貿貿然出擊就瀨晒嘢，既然#754合生停牌行大平台，好明顯係買恆大，恆大地產恆大物業死唔去，咁恆大汽車可能有啲曙光。Faraday時代，一直有玩車，到恆大汽車都一直念念不忘，現在或者轉移焦點，由地產轉車，一係就搵主好人家合作，但係講真，呢啲都係等價格確認先至諗，呢啲嘢變得好快，唔易作準，買呢啲的確隨時渣都冇；不如考慮疫情係早遲受控，買疫情受控股呢啲應該長遠啲，尤其是澳門趕絶外芝，洋人一定搵出路，唔知柬埔寨同日本點睇，但市場就一定係咁樣玩住先。
仲有，航空股國際旅遊股旅遊相關國際品牌都似模似樣，如果手上股票走得7788 ，咪買來坐吓囉，或者等佢回一回再破頂，買啲坐吓囉，真係唔放心驚反覆嘅，唔使諗，你一定係驚兩樣嘢，就係呢樣同果樣，呢樣又驚果樣又驚，又驚疫情反覆，又驚疫情受控，成個市會唔同晒，銀紙唔值錢，就無論疫唔疫情，都係大趨勢，Reits 囉，死唔去嘅。有啲股死唔去咋，但個市就死到直，總之記住現階段係反趨勢，穿底彈，穿頂跌。
士佳說 - 張士佳 舊文
本文作轉載及備份之用 來源 source: http://skycheung.weebly.com
