士佳說 - 張士佳 2022年1月20日
【#士佳說 】張士佳：穏中求勝
【#士佳說 】張士佳：穏中求勝
美國債息衝上1.87厘創兩年新高，油價又大升，市場憂慮通脹加劇，令致兩晚美股都大跌幾百點。但港股兩晚夜期都不跌反升，表現強韌，應該歸功於亞爺的「穩」政策，靠石油能源、銀行股、房地產、基建資源支撐大市。港股行自身節奏，在四五百點上下反覆，暫時收市還未收穿過24000，但又未能升穿24568阻力，指數停滯不前，但係個股就久不久「鼠」隻出來。
金融行業仍有滙控#005，友邦#1299撐住股市，中銀香港#2388更創52周高，唔嫌慢的可以坐多陣。但那邊廂科技股就比較弱，京東#9618與Shopify達成戰略合作協議，同騰訊#700都只是微升收市，留意騰訊今日除淨。阿里巴巴#9988同美團#3690就跌多左，拖住指數時升時跌，唔好比一時的強弱假像所蒙敝，等待呢兩隻突破可追。
內房又有加大金融支持力度，融資困境有望改善。有些低殘的內房反彈得較勁，如碧桂園#2007、雅居樂#3383、世茂集團#813、旭輝控股集團#884、中國金茂#817、融創中國#1918等都有較大反彈，而龍頭中海外#688、華潤置地#1109就繼續有好表現，都有突破，呢兩隻逢回都可以坐上。物管股亦醒神，碧服#6098、世茂服務#873及融創服務#1516急升；旭輝永升#1995同新城悅服務#1755仲炒高10%；不過呢啲係低位嘅，都不及個多星期前講既保利物業#6049咁穩定，圖表上喺龍頭，物管質數喺國內數一數二。曾經升到62.9，之後跟隨內房回落找到支持，尋日又升番去阻力附近，有貨的揸住先等突破，另外一隻，中海物業#2669表現都很不错，亦係穩中之選。
大基建、水泥及機械股繼續發展；國家重點在推進水網重大工程，中鐵建#1186、中鐵#390、中交建#1800如前文所講再次衝高，等再升多浸。同時水利建設工程受惠的水泥，管材與重型機械股都發力，中國建材#3323、海螺水泥#914、華潤水泥#1313升得唔錯。中國重汽#3808及中聯重科#1157都蠢蠢欲動。
還有管道類的中國聯塑#2128，之前回落似找到支持，等二次升穿250天，陽穿16.2再炒。始終城市管網改造、城市管道更新、污水引導處理等重點工程需求明顯。
資源股以油氣最突出，油價大升，中海油#883、中石油#857、中石化#386等油藍籌再往上升。天倫燃氣#1600都穩步上揚，又可以留意番有做燃氣的港華智慧能源#1083，調整一輪，出現靚仔陽燭，順帶一提電力綠電等都開始有所反彈；留意番龍源電力#916，中國電力#2380、華潤電力#836。 資源類還有煤炭如中國神華#1088最靚，兗州煤#1171亦等破阻力，等位食。
疫情越嚴峻，之前特别一提嘅歌禮製藥#1672就越炒，有消息全資附屬與老撾藥商簽署採購協議，股價再升22%，如此市況，都照創52周新高，讓子彈飛多一陣，兩支陰燭先食。
股市大跌的壓力似乎不大。銀行、基建、內房、資源等受惠於政策的行業，繼續炒作。直到ATMXJ科技及電動車有起色輪動，指數才可進一步突破。
士佳說 - 張士佳 舊文
本文作轉載及備份之用 來源 source: http://skycheung.weebly.com
