士佳說 - 張士佳 2022年2月28日
【#士佳說 】張士佳：核？
【#士佳說 】張士佳：核？
上星期五在sun channel 講了我近日大部份的睇法，大家可以重溫，今天不重覆，只稍作補充；不過，寫多都無用，普京講到叫核震攝小組高度戒備，拿人類福祉來豪賭，會唔會寫乜冧把都唔重要了？
普京突然出兵，出歐美領袖預料之外，本來普京只係聲稱到烏東維和，但無見好就收，繼續向基輔施壓，企圖推翻烏克蘭現有政權，以防他日該政府再投奔北約，致使一堆導彈放在面前。至於出動核震懾，呢個本來就係核武嘅功能，大家本來都冇諗過撳掣，只係話俾你聽，你來啊呀，你來我就撳掣，當然只要一方唔克制，就會出事，先前葡京唔安常理出牌，就係要你估佢唔到，令對方覺得佢唔克制，相信鋪排已久，今日上午佢派代表同烏克蘭政府談判，核震懾係談判前，爭取談判籌碼，講明比你哋聽，我隨時準備核武㗎，咁希望烏克蘭政府後面嘅歐美支持者投鼠忌器，叫澤連斯基讓步。當然講明係博弈，盤棋唔係普京一個人捉晒，件事會發生成點，連局內人都未必知道，但到今日上午只會稍有眉目，按常理推測，應該係有讓步，但又傾唔掂，因為談判通常都係開天殺價，後面仲要幾個回合落地還錢，大家都係在摸底階段，摸嘅係普京嘅底，普京就好肯定唔俾人摸，一定表現強硬。
無論點都好，核武既然係終極武器就唔會咁快用，但俄羅斯亦唔拖得幾耐，佢嘅盟友亦非常難做，因為一方面佢要支持盟友，解放唔講烏克蘭話嘅烏東城市，另一方面，又要保住自己嗰啲，一切盡在不言中；唔俾個銀行系統你用，就對唔住盟友；俾你用？又要準備比其他國家制裁，唔容易抉擇，所以都會講希望透過談判解決問題。當然普京亦深明此點，希望佢見好就收，然後大家回去再沙盤推演，重新審視局勢，不過，冷戰難免，今日睇住上午嘅談判結果，其他一切，都係幻象。以市場現在嘅價格來返推論局勢，現在仍守住上星期嘅底位，但星期五晚嘅升幅就煙消雲散，黐住喺個底附近，但又未穿底，市場似乎認同我想講，一齊睇談判結果，亦唔信佢會撳掣，萬一我估錯，佢真係狂人，發晒狂，咁一切一切，都唔重要了。
Sun Channel 節目重溫﹕
士佳說 - 張士佳 舊文
本文作轉載及備份之用 來源 source: http://skycheung.weebly.com
