士佳說 - 張士佳 2022年2月7日
【#士佳說 】張士佳：短線上上落落，長線博見了底
【#士佳說 】張士佳：短線上上落落，長線博見了底
港股虎年第一個交易日大派利是，裂口高開越升越有，一度升過800點，全日紅盤高收為虎年一個好的開始。雖然1月中指數由高位25000跌左近1600點，暖言勝金話左用平常心去迎接今年虎年跳躍，兩日就快速反彈近1200點，重上24500。今日北水歸來，若又能高開，就要留意上升動力仲系咪好似前兩日咁維持強勢，有機會見啲獲利盤，但無論如何，揾岩個股就睇長遠啲，尤其博22663 見底，尤其值博。
ATMXJ中阿里#9988同美團#3690帶頭下，科技股繼續反彈，其實日中亦受納指反彈氣氛影響而造好。業績理想的Amazon期貨股價已經偷步升13%，仲有Snap，Pinterest，股價都勁升。不過，晚上BABA向美國證交SEC申請額外發行10億份ADS，令BABA股價應聲急跌3%，收市仍跌1%，要睇下今日開市消息對阿里嘅表現如何影響。
加息無庸置疑對銀行屬於利好，匯豐控股#005、恆生銀行#011、中銀香港#2388、渣打集團#2888等均表現很強。今年開局，除了銀行金融股奠定大市造好氛圍，市場也選擇保險板塊作爲二次突破口，中國平安#2318及友邦保險#1299升近5%，幫手拉起指數，還有內銀，當中建設銀行#939、中國銀行#3988，招商銀行#3968都先行炒上，等待今日A股回來的行程。
有消息內地銀行支持房地產併購融資預計超300億元，但內房地產股表現各異，華潤地產#1109，龍湖集團#960表現最好，但物管就表現平均地突出，如華潤萬象生活#1209仲係強勢、中海物業#2669稳步上楊，保利物業#6049整固後重上$60，還有隻旭輝永升#1995在低位極力朝向250天等都值得留意。
再講下油氣類的中海油#883向上突破但係似乎唔係好夠力。雖然倫敦布蘭特期油價格高見93.7美元，國際油價再創7年新高，但不竟已連升7個星期，外界已關注已久，要留意隨時調整。反而烏克蘭俄羅斯局勢緊張，比較直接影響天然氣供給鏈，所以對全球天然氣供應緊張衝擊無疑是最大的，圖表上留意昆侖能源#135及天倫燃氣#1600，現在比起油較為值博。
天然氣供應緊張，很多企業轉向依賴煤炭，動力煤期貨價格在上個月上升了7成，加上業績很好，利潤同比上升超過100%。煤價及煤炭股價根本壓抑不住，兗礦能源#1171、中國神華#1088為首表現一向不錯，回落後搵到支持靚仔陽燭買番。
另外，國內新春假後復工，國策上大型基礎建設首當群起動工，當中概念建築股中環控股#1735升5%再破頂，有貨坐住等食，中國建築#3311亦似到整固尾聲，今日如果仲係陽燭，就值得跟進買入機會。
大消費股方面，留意下博彩板塊，#1928金沙，澳門1月博彩收入環比下跌，但仍20%優於預期，澳門賭股的業績預期應該差到冇得再差，只係期待通關時間表，之前有貨會耐心等待，圖表上都有向上整固趨勢。
市場似乎已逐漸消化美聯儲加速加息預期，美股的走勢亦開始回穩，不過仍偏弱，只係上落冇咁大而已，但對港股已經不太產生決定性的影響。反而展望2月，比較依賴A股表現及穩經濟的國策落地，揀啱個股板塊，跟著輪動節奏，市場仍充滿生機。
士佳說 - 張士佳 舊文
本文作轉載及備份之用 來源 source: http://skycheung.weebly.com
