士佳說 - 張士佳 2022年4月20日
【#士佳說 】張士佳：股比市好太多
【#士佳說 】張士佳：股比市好太多
尋日講左放水打開口牌效應一般加上存款凖備金率減少於市場預期又唔加息，疲弱嘅市況疊加招行事件又再疊加上海市監局約談12間電商講有關民生領域農產品問題又一個監管炸彈，所以大市只跌600點已似有無形手托托。
呢邊下大雨，那邊似天晴，美股升幾百，加多息，美債息升，美市反而憧憬吸引更多資金回流美國美股市場，銀行股JP, bank of America造好，成分股BA, Nike，幫手帶起指數，好似好強。此起彼落其實一擔擔，講市強市弱，美股QE后似火箭而港股弱就唔駛講，但如縮短time frame睇，由今年底反彈，就其實差唔多，美股假期前回調了升幅的0.5后，昨晚反彈到0.382而港股又正係跌到0.382，兩者只係分係唔同時間跌。
市弱由佢弱，我都係果句，市八成机會見底，就算未見篤一篤穿底都唔會跌幾多就見底，但一下子升左幾千點，買大市點放止損先得架！？所以，有兩方法：一.買極少量，哩埋眼唔理；二.一般人都唔慣呢埋眼，咁就唔好入直至等到搵到支持位，大力反彈先至入市，用支持位較低的嚟做止損，或直情等彈完回再彈先揾最低風險入市位先至入，如果唔係你睇最近跌咗千六點，仲未知幾時跌完，如果重注入左，而家你都唔知點好。
存準放的水太少，亦通常落不到一般企業，所以大市不好，但就有些行業自己搞得掂，變到九成股唔掂一成好掂，咁你炒那一成就夠，力量集中仲升得好過百花齊放之時。好似，提好多次嘅2255海昌海洋公園就升唔少，尋日屋企門鐘響起，新国華送件沙巴當來，今次我都冇訂，原本学生送來話海洋公園送嘅，哈，賺多件牛。海昌海洋公園#2255引入上海新創華文化發展的Ultraman 超人力霸王系列作品開展一系列主題商業合作。令到上海公園及二期發展內涵更加豐富，咁多gimmick疫情好轉後人流爆多值得預期。上海目前確診數字高高未下，先前封控不落怪罪物流，現在連物流都少了，抗疫意識加強，強腕之下，相信好快就可以控制到。
330走了大半，尋日仲升，升到癲晒，下次回調，應會甚深，但已成free貨，唔理了。此外，尋日提到的，航運中遠海能#1138，其LNG船舶中能控制油輪運力最強，尋日股價咁生猛在加速反映中，不過海運成板升係，很大原因是俄烏戰事件又再升級，頓巴斯地區將成爲俄烏新的主戰場，雙方都投入了幾十萬重兵，拜登仲話加大支援，好似真係驚打仗會完咁。個人反認為，唔持續得幾耐，所以海運唔同海洋公園，會見好就收。
打仗打下打下唔知打幾耐，兩大糧倉受罪，各国勢必紛紛亡羊補牢，所以叫大家炒化肥，1866果然唔夠mos勁，轉晒去mos，另留意中糧家佳康#1610近期走勢唔錯，疫情下糧食食物鏈咁大需求，國內吾少得要佢幫手，陽破3.83先諗。
內地救市唔夠力，以至內房都回調，暫時只有基建來撐，所以390脫穎而出，次次突破都有一成炒，唔嫌慢可上車，不過，分分鐘等成個月，不過谷基建又通脹之下，#347低住企左半年，試挑戰番250天綫的話，都有10多%，也不錯。
美聯儲有見戰亂及猛通脹及此，乘機做嘢，仲話必要時不排除一次加息0.75%，造就了加息預期升溫，本地銀行股表現偏強，滙控#0005、中銀香港#2388收市倒升，見低可買下，都係儲倉對象。
講完強講吓弱，尋日講咗爸爸出招跌咗落嚟不妨沽下，又係散晒，其實所有科技股全球都弱，你睇吓Netflix又跌25啦。
系外圍及大市能見度低的籠罩情況下，繼續等待機會，如果陰燭跌穿20757更加要耐心。主要睇住疫情何時逐漸修復，各地何時能復工復產情況，相信產業鏈不會停轉好耐尤其是汽車；以及俄烏激戰，內地疫情下，資金的避險去處基建，及對石油、新能源、航運，資源及農產的加劇需求，最重要係本身唔點跌，仲喺尋日逆市回升做到有條件陽燭嗰啲，都係將來首選要買嗰批。
士佳說 - 張士佳 舊文
本文作轉載及備份之用 來源 source: http://skycheung.weebly.com
