平民投資教室 - 錢俊 2022年9月20日
【平民投資教室】錢俊：邊個主要股市唔洗跌?
平民投資教室
日期：2022-09-20
更新時間：16:02:25
八月尾錢俊曾經懷疑過七八月升市是否只係短線反彈，美國通脹是否僅短線見頂。不出所料， 上周二美國通脹再超預期，市場預期美國本周議息，除時加夠一厘。港美股市即冧再跌返入無 間地獄。
今年無論歐美同中港股市都慘不忍睹，但竟然仲有一個市場仍然有睇頭。唔係瓦努阿圖，而係 世界第三大經濟體印度。以印度涵蓋最大市值50間公司嘅NIFTY 50指數睇，年初至今仲升到 0.2%。
相對於歐洲同中國，印度無疑喺地緣政治問題上受影響最少。美國由「亞太策略」改為「印太策 略」，想拉攏印度抗衡中國之意再明顯不過，印度少不免攞到甜頭。另外，雖然之前中國同印 度因為邊境問題去到兵戎相見地步，但近日雙方已見克制，甚至上周於烏茲別克舉行嘅上海 合作組織峰會，印度總理莫迪亦係坐上客。再者，俄羅斯因受歐美制裁，石油出口主要依賴中 國印度。受惠平油，印度嘅通脹問題先至無歐美咁嚴重。因此喺國家「巧外交」策略下，經濟亦 漁人得利，發過豬頭。
2836：金融股主導嘅印度市場
點高追買印度股票？如果你無外國證券戶口，又對印度公司一無所知，可以考慮大包圍買香 港上市嘅ETF。安碩核心標普BSE SENSEX印度ETF（HKG:2836）追蹤以印度股票組成的指數 ，包括孟買交易所的30間市值最大上市公司。入面最大投資包括「印度長實」Reliance Industries，以及銀行HDFC同ICICI，印度最大電訊公司Infosys等。
與美國一樣，印度央行今年亦加入積極加息行列，上月亦已加息50點子，為今年第三次加息。 印度央行亦預期今年通脹達6.7%，因此繼續保持加息步伐機會甚大。
咁點解人地又加息佢又加息，但印度股票可以跑嬴其他市場？呢個同佢主要組成行業有關。 今年跌得最多嘅都係高增長行業包括科技股。以2836為例，IT板塊只佔16%，相比恆指29%同 美股標指28%低得多。跌市自然有更多緩衝。
此外，2836入面金融行業佔41%，數字同樣高於恆指同標指。今年之初介紹華夏香港銀行股 ETF （HKG:3143）時提過，銀行靠存款與貸款利息中間嘅差價嚟賺錢，加息令息差擴闊，有利 銀行股盈利。
同時，隨著疫情緩和，經濟亦反彈，印度央行對今年GDP增長預測為7.2%。相對中國，各大行 嘅預測都唔超過4%，而美國更加係講緊衰退。經濟好除咗有利各大公司盈利，都令公司更積 極借錢發展業務，就算銀行高息都有人肯借錢，自然就係良性循環。令印度股票成為今年跌市 少有嘅股市避風港。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
