泡泡龍講投資│殺估值來臨 明星股也捱沽（泡泡龍）
泡泡龍講投資│殺估值來臨 明星股也捱沽（泡泡龍）
上星期專欄特別提醒大家可以高位先鎖定部分利潤，主要由於市況不穩原
因。沒想到當晚及星期三晚就運續兩日大跌市，真係講到無咁邪。但事實上，美股係上星期二執筆之時，個市已經開始感受到沽壓同阻力，部份股已經開始不斷回調，加上8、9月效應，所以先叫大家食胡。
美股外幣即時報價 多國新聞任睇
人同此心，大家都可能驚未來的調整浪，所以一有風吹草動，就即刻食胡走人，導致周二周三晚既大跌市。好彩嘅係，星期三晚大跌尋底過程中，資金開始低位掃上，顯示低位有支持，最終當日收支大針，雖然仍然係跌市，但跌幅大幅收窄，而且當日下半場基本上都係資金不斷買上，一浪高於一浪形態，有初步見底跡象。
之後星期五晚萬眾期待的Jackson Hole會議中， Fed主席Powell 講話就救了大市。 Powell態度明顯由「鷹」轉「鴿」，而且特別係刪除了通漲2%的目標，基本上都確定了9月的減息，加上大市本身就極度需要一個好消息，所以周五晚就出現一個暴力反彈。大市經過周三晚的「資金試底」，加埋周五晚的好消息反彈，基本上確認見底。今日周二執筆之時，大市仍然似慢慢回升格局，更加佐證我認為見底睇法。
雖然我認為大市見底，但個股表現就非常分化。明星股例如PLTR好明顯算係弱勢股，同以前強勢截然不同，股價亦由高位190跌到上星期三最142左右， 短短幾日，跌幅高達25%。股價亦係當日回穩，股價亦呈現小反彈的勢頭。不過就好明顯反彈相對無力，特別係相對其他強勢股例如NVDA。
今次PLTR主要都係殺估值，資金大幅流出。 極高估值本身就好似一個計時炸彈，市場氣氛好時就完全無視，愈升愈有。相反，一旦氣氛轉差（就好似8月到而家），市場就覺得PLTR唔應該咁高估值，加上唔少名人都開始唱淡，認為PLTR高估值不可持續等等，自然對股價形成壓力。
無可否認既係PLTR本身公司係好優質，競爭力強勁，而且未來幾年發展都會持續高增長，所以市埸先願意給予極高估值。而我相信由於資金的持續流長， 未來一段時間，PLTR相信股價都唔會太強勢，主要都係要消化高估值，做到以「時間換空間」。
泡泡龍
利益申報：個人不持有上述股票，未來不排除有買賣。
上述為個人投資意見， 不構成投資建議。
本欄逢周三刊出
泡泡龍講投資 - 泡泡龍 舊文
本文作轉載及備份之用 來源 source: http://hk.finance.yahoo.com
