中環在線：星爺收埋大把女 - 李華華
比高(8220)最近俾人話?內地搞戲院進度唔理想，大股東周星馳又俾舊愛於文鳳追數，雖然佢呢個月即刻高調?34萬出?增持比高以示支持，但本人就繼續潛水，比高執董陳昌義變成佢代言人，仲大爆星爺家陣冇拖拍，所以有時間拍多?戲！
比高噚日開股東特別大會，星爺又係no show，要陳昌義做代言人。佢仲暢所欲言，指星爺家陣冇拖拍，一年可以拍到一至兩部戲。
優先拍《美人魚》
雖然星爺上一套大作已經係08年《長江7號》，但陳昌義話，星爺床下底其實收埋好多劇本，只要??出來就有貨交。佢估計星爺?緊唔係拍《太極》，就係講?15、16歲靚女?《美人魚》，仲多數拍靚女先。
市場之前傳過，星爺打算明年4月開拍《美人魚》呢齣科幻愛情3D大片，但由於製作成本數以億計，投資者縮沙，搞到家十劃未有一撇。
不過星爺有的是錢，如果真係想拍，自己投資應該都冇問題啦。正如陳昌義話齋，星爺「搵一、兩億好容易，幾千萬對佢?講真係濕濕碎！」所以呢，星爺同舊愛單官司，絕對唔會影響上市公司，純綷私人?喎。
咁究竟星爺幾時蒲頭會一會股東呢？答案係要等比高盤數靚仔?先！再唔係，大家可以落蘭桂坊碰運氣，話唔定佢會以《國產淩淩漆》豬肉佬造型出現，?住杯Dry Martini揀緊女。
李華華
mailto:LiWaWa@AppleDaily.com
上一則: 美擬告中國補貼汽車
下一則: 中環在線：是旦台獨「創」高? - 李華華
中環在線 - 李華華 舊文
