中環在線--四叔：代母好普遍 - 李華華
■四叔長子李家傑，曾在美國搵代母生了三胞胎。
恒地(012)主席李兆基長子李家傑2010年?美國搵代母生三胞胎，轟動全城，三個小朋友大個仔，爺爺終於開腔講代母生仔問題，指代母生育?先進國家，成行成市，科學能解決人生最大缺憾，香港應該仿傚，不可墨守成規咁話。
?先進國家好小事
咪睇李兆基(四叔)85歲思想會好守舊，原來佢相當新潮。噚晚佢?新聞行政人員協會晚宴上講到代母，劈頭就拎出古訓話，不孝有三，無後為大，話有朋友家財萬貫，但無兒無女，最終遺憾一生，死不瞑目。
相反，另一位朋友出外就醫，成功生仔，如出生天一樣，所謂百行以孝為先，阿仔盡孝親之道冇唔妥。哇，講到死不瞑目咁嚴重，搵代母生仔的確真係冇不大不了。
繼續買股好過買樓
只係唔明四叔無端端做乜提起呢件舊事，唔通因為三個孫仔開始上學，識朋友仔，四叔想同大家講清楚，指代母生仔?先進國家好小事，等大家唔好咁大驚小怪，影響孫仔成長？
四叔仲打蛇隨棍上，建議香港應該仿傚先進國家?，思想真係前?過好多後生仔。
講完代母，佢不忘繼續叫人買股好過買樓，指家陣地產股折讓四、五成，樓價就兩三年後唔會大升，股票先有得升。佢咪身體力行，連月增持恒地囉。
李華華
mailto:LiWaWa@AppleDaily.com
《蘋果動新聞》新版App已經推出，居家遊行上街上網都咁方便，快?更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 樂香園：國產Evian藏「計時炸彈」 - 海迪
下一則: 中環在線：信報40周年畀面派對豪派員工4,000銀 - 李華華
中環在線 - 李華華 舊文
