中環在線：LME新舵手唔熟金屬 - 李華華
■Garry Jones 下月30號就會上任LME行政總裁。
港交所(388)終於幫旗下倫敦金屬交易所(LME)搵到行政總裁(CEO)，係之前傳過三位大熱之一──倫敦國際金融期貨交易所前行政總裁Garry Jones(莊敬賢)，9月30號返工。另一位大熱、LME副行政總裁Diarmuid O"Hegarty就畀六個月通知，劈炮唔撈。
李小加唔肯講人工
港交所CEO李小加請得Garry，當然讚到佢識飛咁滯。噚日兩人主持電話會議，李小加以Leader一字形容Garry，大讚佢係全球少有?人才，涉獵過好多範疇，包括市場運作、基建投資、資訊科技、產品管理、市場推廣、人脈關係、固定收益、外匯、衍生工具等等。
接觸過咁多瓣，Garry偏偏冇金屬交易?經驗喎？李小加即刻幫對方解圍，指LME有好多金屬交易?專家可以幫手，稍後仲會繼續邀請資深?業內人士加盟，LME未來發展亦唔只係金屬交易雲雲。Garry淡淡定咁話，上任後打算幫港交所拓展業務至不同領域，認為可以?結算、商品、外匯、固定收益等方面發圍，港交所勝在願意花錢投資咁話。
講?咁耐，Garry到底幾錢人工呢？李小加噚日點都唔肯講，叫大家等到明年睇年報。李小加果然係做過傳媒，知道一講Garry人工，傳媒肯定將佢?人工同李小加或者就走?現任LME行政總裁艾博賢比較，蓋過曬佢堆讚美之詞。
李華華
mailto:LiWaWa@AppleDaily.com
■李小加終於搵到人湊LME呢件貴價玩具，自然有讚冇彈。
一副24字的對聯影響蔡瀾一生，今集《亂?24》，蔡瀾為你逐句解釋！
點擊以下連結，全集即時重溫！
http://bit.ly/appletalk24
上一則: 國策解碼：決心打老翻好戲陸續來
下一則: 中環在線：被嘲新晉明燈黃國英寸嘴反駁 - 李華華
中環在線 - 李華華 舊文
