中環在線：恒隆太子爺忙到冇女友 - 李華華
■恒隆太子爺陳文博(左圖)笑言陳南祿(右圖)好嚴，日日做足26個鐘。
咪以為做太子爺一定好爽，恒隆地產(101)太子爺陳文博(Adriel)跟住董事總經理陳南祿呢位工作狂，做行政助理，對方一日工作26小時，難怪Adriel都呻工作壓力大，又冇時間搵女朋友。
出差只坐經濟艙
31歲?Adriel係恒隆主席陳啟宗?大仔，早兩年返恒隆，?上海工作，舊年調返香港跟祿哥，𠵱家主要負責租務工作。佢舊年首度見傳媒時仲有?怕醜，事隔大半年，噚日招呼一班記者參觀恒隆?無錫?新商場，表現已經相當淡定。
佢盛讚頂頭上司祿哥份人好nice，不過工作上就係嚴師，唔單止要求高，仲日日做足26個鐘，半夜三更都會收到佢電郵，加上Adriel對自己都有要求，惟有每日做足24粒鐘。
Adriel又話，𠵱家坐飛機出差只係坐經濟艙，雖然飛大陸有時商務艙同經濟艙價錢只差幾百蚊，但佢認為自己未夠資格，希望5年內做出成績，到時夠資格坐商務。講完工作，當然問佢有冇拍拖啦，點知佢突然變得唔係幾好意思咁，話忙到冇時間搵女朋友喎。
同場加映，翠華(1314)老闆李遠康噚日竟然都係恒隆呢個新商場出現，原來李老闆有意?恒隆?上海商場開分店，可惜呢個新商場已經全部租出，陳啟宗惟有同李老闆講句：下次請早。
李華華
mailto:LiWaWa@AppleDaily.com
熱血青春電影《狂舞派》席捲今夏，柒良同阿花?夢想去盡未？
男女主角聯同導演黃修平齊上《亂?24》，動Live預埋你！
http://bit.ly/appletalk24
上一則: 國策解碼：中美貨幣博弈漸烈
下一則: 中環在線：國泰推法國黑松露網購 - 李華華
中環在線 - 李華華 舊文
