智取大市：建滔強勢後市有救 - 晉佳
■張國榮任主席的建滔，9月尾開始終止升勢，近兩日股價回升，成交亦略為增加，有破旗跡象，如睇圖直頭覺得可以買入。資料圖片
如果單純睇科網股，投資者應該睇住兩樣?，第一，係facebook個股價，第二，係A股表現。通常道指升、facebook跌，之後?日騰訊(700)、金山軟件(3888)實冇運行，如果再加埋A股跌，咁就實行插到甩褲，呢兩日正正就係呢個情況。
所以要見到facebook同A股都企得穩，科網股先至捱得過呢一劫。
如果facebook得，金山一定得，晉佳倒不如直接睇facebook個股價就算。facebook 7月下旬到𠵱家?升浪，高位足足升?一倍，其間股價一直守住30日線；至於14日RSI，已經出現四頂背馳，見頂危機好高，短線跌勢更可能只係一個開始。
所以勸喻大家唔好衝入去撈金山住，等facebook跌深?先再算，惟有期望RSI頂背馳後，調整一陣然後股價重拾升軌，做多個頂背馳先玩完。
科網濠賭仍未瘋狂
facebook咁大隻股，都可以股價幾個月升一倍，的確幾有牛三的感覺，究竟呢個牛三完結未，定係戲肉仲未開始？𠵱家去估戲肉會唔會出現，就幾乎冇分析可言，純靠直覺同經驗。
晉佳?經驗係，𠵱家仲係太少人買濠賭、科網股，未去到唔買就俾人笑?階段；加上濠賭、科網股𠵱家仲勉強可以計到數計到估值，真正?瘋狂，應該係要貴到連數都計唔到先得。所以晉佳衷心希望，里程仲未完結，但係都係得「希望」兩個字。
正當迷惘?時候，晉佳再望番自己的好兄弟──建滔化工(148)，就有番少少方向。點解叫佢好兄弟？原因佢係測市的極佳指標。晉佳不厭其煩再講多次，建滔向來係最先反映經濟狀況?股份，佢主要做覆銅面版、化工業務，好多行業都會用到。
換言之，睇到佢個股價長線有見底跡象?話，經濟以至後市或許有運行，個市可能仲未死得。
預示內地經濟轉好
以圖論勢，建滔9月尾開始終止升勢，但只係橫行整固，近兩日股價回升，成交亦略為增加，有破旗跡象，如果睇圖直頭覺得可以買入。講到呢度，有兩個implication，第一，建滔又有機會早著先鞭，做首批強勢股；第二，後市應該仲有運行。
睇番盤數，建滔化工今年上半年純利升3%，營業額同樣升3%，不過，睇番毛利率其實由?年同期15.1%，下跌到14.15%，稅前盈利其實跌6.8%，只不過，少數股東權益大幅減少，先令純利上升，認真吊詭。每股盈利91仙，年度化市盈率11.1倍，估值亦唔算平。股價跌市仍然保持硬淨，似乎反映投資者預期未來業務會改善，作為經濟陰晴計，即係顯示未來內地經濟可能比𠵱家更好，後市應該唔使太悲觀了。
晉佳
本欄逢周三刊登
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 中環迷你裙：股壇舞會必殺技 - Samantha
下一則: 魚樂無窮：利信達中線博升16% - 唐牛
智取大市 - 晉佳 舊文
