中環在線：地產商加薪多過?豐平均4.5%睇齊通脹 - 李華華
新年伊始，大家最關心今年有冇人工加，或者係加幾多。據了解，幾間藍籌地產商，包括恒基地產(012)、恒隆地產(101)、新世界發展(017)、太古A(019)今年平均加薪4.5%，跟通脹水平差唔多，雖然冇乜驚喜，但都算係好消息，?豐香港今年固定薪酬總池?增幅都係3%至4%咋。
藍籌股當中，通常係國泰航空(293)最早主動公佈翌年加薪幅度，今年就會平均加薪4.5%，接近舊年11月通脹4.3%，多少對職場有指導作用。
恒地傳最多十個月花紅
幾間藍籌地產商都係今個月調整薪酬，恒地老闆李兆基(四叔)出名善待員工，今年同舊年一樣，員工平均加薪4.5%，再加一個月花紅，個別員工表現良好，可能再獲派多幾個月花紅。傳聞有人獲發十個月花紅，應該係賣樓部門?員工。
咁都?數?，回顧各大地產商舊年?賣樓銷情，恒地連續第二年賣樓套現超過100億元。2014年開波，恒地搶先推售迎海2期，畀花紅有助激勵士氣。
其他藍籌發展商亦大致跟隨通脹平均加薪4.5%。超人李嘉誠旗下長實(001)就冇提供平均加薪數據，話通常按員工表現而定。照咁估，長實舊年賣樓套現40億元左右，係13年來最差，「樓神」趙國雄會唔會冇人工加呢？
新鴻基地產(016)老闆郭炳江早前話，員工今年肯定會加人工，一定有花紅，加薪幅度唔低於同行。郭老闆睇見行家跟大市加薪，員工應該都唔會失望啦。
祝大家新年快樂！
李華華
mailto:LiWaWa@AppleDaily.com
足本收睇《亂?24》x劉嘉玲； 鄭秀文@杜琪?再度登場！
周一至周五《亂?24》約定你：http://bit.ly/appletalk24
上一則: 料旨在托價防違貸款協議
下一則: 中環在線：四叔請員工遊泰遇示威要押後 - 李華華
中環在線 - 李華華 舊文
