中環在線：開會用板腦靠自律純官葉茂林唔驚員工分心 - 李華華
立法會議員何俊仁噚日一邊聽住財爺宣讀財政預算案，一邊用平板電腦睇索女，仲要被人影到斷正，呢單料真係笑爆全城。其實今時今日好多人都係機不離手，即使係上市公司管理層開會，老闆都好少叫大家唔准用平板電腦或手機，因為真係要用來睇實個市或者睇資料，老闆們都係諗住大家咁大個人，識得自律?啦。
新世界發展(017)主席鄭家純噚日都話，平時跟其他管理層開會，佢?都可以用智能手機、平板電腦。至於擔唔擔心員工分心，佢就話對員工有信心，「對員工一定要有信心，成日擔心，咁多員工點擔心得咁多！」不過，佢自己就冇用iPad?。
國泰無紙化板腦當文件
耀才證券(1428)老闆葉茂林亦都話冇乜所謂，冇話明文規定唔可以開會用手機、電腦，佢間中都見同事開會時篤嚇篤嚇部機，「但我當佢?聽緊(開會內容)?，應該係一路聽，一路做記錄?。」
聽聞，國泰航空(293)行政總裁史樂山亦好開通，雖然佢開會時少用平板電腦，但唔會叫同事唔用，加上國泰內部實行無紙化，開會好少再一人一大疊文件，各位仁兄多數開住部平板電腦睇文件開會。
康宏(1019)主席王利民就分享一單笑料，佢話有次靜雞雞走去旁聽一個員工會議，佢坐埋一邊，邊聽邊睇手機，竟然發現有位開緊會?同事?面書玩緊candy crush，玩到搵人畀命佢，王主席當然忍唔到手，即刻?面書寸對方，話佢唔專心。
其實同得老闆開會，好少人夠膽拎部機睇無謂?，唔通博炒咩？真係悶到?，睇股票報價咪好囉，或者索性買防偷睇貼啦。
李華華
mailto:LiWaWa@AppleDaily.com
上一則: 軟庫集團擬收購LINE
下一則: 中環在線：東亞智能分引同業偷師 - 李華華
中環在線 - 李華華 舊文
