依然無景
2014/2/26 上午 10:07:19
網誌分類: 經濟
人民幣匯價連貶六日，累積跌幅更去到1.4%。上文提過，人行收水格局，對大市不利，收水情況繼續發酵，人行昨日繼續以正回購方式收水1000億人仔。而人民幣匯價走勢更值得關注。
睇人民幣匯市盤面，推低人民幣匯價的始作俑者應該係人行，原意係推低人民幣匯價，希望減少熱錢流入內地。但在人追我逐的情況下，人民幣匯價愈跌愈低，幾日內跌了超過1%，觸發市場的斬倉潮，令人民幣匯價跌勢加劇。
本來，現時的市場環境已經不利內地A股及本地H股，再加一個混亂的匯市。上證綜指兩日內跌了近半成！阿爺見內樓價仍然高企，怕惹爭議，睇?薇漞|期間仍會強調樓市調控政策，有好消息出爐的機會唔大。大市呢排都唔會係麻麻地。
美股方面，美國的消費信心指數，以及房價升勢放慢，投資氣氛受挫，美股未能持續周一的升勢，標普500指數圍繞歷史最高位波動。終以微跌收場，杜指跌27點，收16180點，標普500指數跌2點，報1845點，納指跌5點，造4288點。跌幅都係大約0.1%。
美國2月消費者信心指數跌至78.1，不及市場預期的80.1。1月份的指數亦由80.7向下修正至79.4。全美擁有840家百貨公司的梅西百貨集團(Macy’s)，昨日公布業績，盈利勝預期，但營收就麻麻，同店銷售較上季跌1.4%。集團高層解釋，銷售下跌主要受惡劣天氣影響，期間曾有244家Macy’s及Bloomingdale"s百貨公司一度閉門。情人節生意亦唔好。
有分析指出，天氣唔好，只係美國零售業唔得的其中原因。另一個原因係消費對未來經濟的信心唔係咁足。從好多美國零業巨頭對未來的預測，可以睇到這個現象。盡管梅西百貨管理層用天氣唔好解釋上季度業績唔得，但對於今年業績預期，仍然唔睇好，年頭下調今年同店銷售增長只有2.5%至3%，只係同通脹差唔多。品牌香水公司Perry Ellis更悲觀，下調了去年第四及今年全年的盈利預期，受天氣影響，同店銷售較上季跌了4.8%。同好多零售公司一樣，市場競爭愈來愈強烈，去年推出了好大的減價促銷爭客，但生意唔見相應增長，利潤卻嚴重受損。
全美最大的家居裝修用品連鎖Home Depot去季盈利只係好過預期的下限，營收亦係唔掂，同樣，公司已將今年盈利預期下調至每股4.38美元，低過市場預期的4.43美元。零售則貢獻了GDP增長的七成，美國零售企業普遍對前景唔係咁睇好，經濟前景唔係幾靚仔，股市亦唔會有運行。
另一方面，美國房價去年造出了8年來最快的增速紀錄。不過，增速在年底有放緩跡象，12月凱斯-希勒(Case-Shiller)美國20個大城市房價指數(經季調) 較上月降0.1%與市場預期一致。11月CS房價指數亦係低過上月0.1%。標普道瓊斯指數委員會主席布利策(David Blitzer)表示，「房價增長速度逐月放緩，可能说明房價復甦的最強勁時期已經過去了。數據顯示了一些疲軟與喪失增長動力的狀況。」
有交易員指出，美股上日大漲，標普500指中段更創出歷史新高，但好少留意標普500指數以及多個重要板牌觸頂回落呢個現象，當中金融股，收市比較最高位的升幅大幅收窄至一半，運輸股回吐了大部份升幅，房地產股更係以倒跌收場。大市熊出沒味道好濃，大家要特別注意。
陸羽仁
回應(5) 我想回應
陸羽仁 BLOG 舊文
