魚樂無窮：中國光纖泊到大碼頭 - 唐牛
■中國光纖主打嘅光纖活動連接器，正好彌補烽火科技於硬件嘅不足，組成強強聯盟指日可待。資料圖片
鄰居菲菲切餅刀功出神入化，唐牛嘆為觀止，眾人挑剔皆因未領悟真諦。誠如股票市場，好股未為人所知時，成交與股價總是悶到冇朋友，一旦有高人指點，隨時可以升到你唔信，今日推介嘅中國光纖(3777)，相信會畀大家一個好示範。
與國資委附屬合作
中國光纖日前表示，與烽火科技簽訂戰略合作框架協議，旨在深化光電子產業及智慧城市等多方面合作及建立長期合作關係，當中包括合作開展內地智慧城市、三網融合及金融、交通、石化、鋼鐵等行業訊息化項目；另又會加強開展光電子行業海外業務合作及拓展海外市場。
講咗咁耐，烽火科技係乜東東？原來係國資委旗下武漢郵電科學研究院全資公司，名氣滿瀉，旗下A股上市公司包括烽火通信、光迅科技、長江通信，經營範圍包括通信、電子信息、光纖預製棒、光纖光纜及特種線纜等，可謂包羅萬有；睇番中國光纖主打嘅光纖活動連接器，正好彌補烽火科技於硬件嘅不足，組成強強聯盟指日可待。
烽火通信產品已成功打入全球80多個國家和地區，中國光纖未來要走出去，簡直易如反掌。
中國光纖上市以來年年盈利有增長，去年全年賺3.3億人仔，按年增長22%，現價市盈率僅6.4倍，最新市值31億銀，烽火科技A股附屬平均市值則達百億，中國光纖潛能無極限，難得有伯樂睇中，絕對係識於微時之選。
唐牛
上一則: 炒友Blog：晨鳴回復龍頭股本色 - 邱古奇
下一則: 股場放大鏡：中國新城鎮概念十足 - 歐陽風
魚樂無窮 - 唐牛 舊文
