候低增持
2014/4/11 上午 09:32:18
網誌分類: 經濟
從來4、5月美股都係比較弊的時候，今年似乎也不例外，美股想回想回，前日彈咗一日，昨日又發作，都係以反映科技股的納指帶動，納指更失守100天線，暴跌130點至4054點，跌幅3.1%。杜指勁跌267點，收16170點，跌1.6%，標普500指數插39點至1833，標普500指數跌穿了1840點的重要支位。
美股大跌帶動亞洲股市下插，日股早段跌330點，跌幅2.4%，但香港期指開市跌唔多，幾硬。
我覺得美股本身想跌，下跌因素只係搵借口。近期跌得比較急嘅生物科技股，上日反彈，以為係時候撈底的投資者，昨日中曬招，大跌亦無乜特別原因，可能過去半年升得多係最大原因。納斯達克生科股指昨日勁跌5.6%，為2011年8月來最大單日跌幅，連上日的彈幅都食埋，又繼續近期跌勢。標普500指數跌幅榜排第一、二位的，都係生化科技股，Alexion Pharma 跌7.5%，Gilead Sciences挫7.3%。近期升幅居前的Facebook及Netflix齊挫超過5%。市場氣氛唔掂，也拖累了昨日首日掛牌新股的兩隻生物科技股Cerulean Pharma 和Adamas Pharmaceuticals。Cerulean跌2.1%，Adamas暴跌12.4%。
美國經濟數字幾好，上周首次申領失業救濟人數降至30萬人，遠低過市場預期，幾乎係7年來新低，勞動力市場春季出現復甦的跡象。唯一係中國數據差啲，中國3月出口大幅下滑，中國經濟無乜起色，反而成為借勢炒低的理由。
中國係世界工廠，昨日宣佈3月份出口約1700億美元，較去年同期下滑6.6%，遠差於市場所預計的上漲4.2%，令市場擔心全球需求正在下滑。不過，有分析認為，去年被揭發的數據有作假成份，亦影響到今年數據的同比波幅，因此不能對最新數據過度悲觀。蘇格蘭皇家銀行中國區首席經濟學家高路易(Louis Kuijs)在一份研究筆記中指出，去年3月份的出口總額被虛開發票問題推高11.8%，因此今天的數據不讓他感到意外。
海關總署綜合統計司司長鄭躍聲表示，中國內地對歐盟、美國、東盟各國和日本等主要貿易夥伴的進出口仍然保持增勢，「只有內地對香港進出口大幅下降33.3%，這一降幅直接影響總體進出口增速近4個百分點」。
中港股市互聯互通係比較大的利好消息，唔好在外圍下跌時被震走手上的股票，反而應候低吸納。大方向係增持。
陸羽仁
回應(6) 我想回應
陸羽仁 BLOG 舊文
