睇業績
2014/4/14 上午 09:35:49
網誌分類: 經濟
美股本周去到關鍵位，睇業績決定係牛定係熊。摩根大通上周尾段業績令人失望，
第一季每股盈利1.28美元及營收239億美元，都差過市場預期的1.46美元及244.9億美元。摩根大通股價上週五勁跌 3.7%至55.3美元，係表現最差嘅杜指成份股，美銀亦受累下挫1.2%，拖累金融板塊下，大市借勢勢下插。
近期弱勢的納指繼續流血不止，上周五再跌1.3%，2月初以來首度失守4000點大關，收3999點，全個星期大跌3.1%，係2012年6月以來最大的一周跌幅。杜指上周五跌143點至16027點；標普500指數挫17點，收1816點；全周跌幅亦唔細過納指好多，杜指挫2.3%，標普500指數亦插2.6%。
美國投資者今個星期睇住業績做人，谷歌、花旗、可樂、強生、IBM同 Chipotle
將公布業績，勢將左右大市。市場會借佢地嚟判斷到底美國經濟早前只係受短期寒冷天氣因素影響，抑或唔係幾掂。
據FactSet 的數據，過去3年，標普500指數公司有71%公布的業績優於市場預期，平均比預期多3.1%純利增長。若然趨勢繼續，標普500指數公司首季盈利將有1.8%增長。但在已公布的29間標普500成份股公司中，只有52%達到市場預測，衰過平均數，這也是市場轉弱的原因之一。
不過，美國經濟數據唔差。美國3月生產者物價指數(PPI) 增長0.5%，核心PPI增長0.6%，錄得九個月來最大月度漲幅，遠好過市場預期。4月密執安大學/湯森路透消費者信心指數攀升至82.6，其中嘅現狀指數97.1及預期指數73.3，都好過市場預期。消費者的1年期通脹預期為3.1%，5年期通脹預期為3%亦低過前值。
市場分析師就繼續牛熊角力。有末日博士之稱嘅麥嘉華上周五接受《CNBC》訪問時更危言聳聽，話科網及生物科技板塊近期跌得好痛，只係開始，美股將迎接比 1987年股災更痛苦的跌勢。原因係「有些板塊特別容易受傷，主要問題出在估值上。」這類股票沒有獲利撐腰，長期唔係好事。
他所擔心嘅亦唔單止動能型股票，他認為市場已經開始理解到聯儲局是一個無厘頭組織，根本唔知自己做緊乜。投資人對聯儲局的信心也漸漸消失。麥嘉華預測標普500指數今年將跌20%，甚至30%。總之，現在不是買美股的好時機。
但BTIG嘅全球首席策略師Dan Greenhaus卻不以為然，佢指出標普仍較美聯儲宣佈縮減QE前高出3%；其次係縮減QE不利股市的假設是:利率將上升，全面施壓股市，但美國10年期國債債息率較縮減前還低，最新報2.628厘，2年期國債收益率幾乎沒變。利率上升和國債債息低下這兩種行情是不能同時發生的。
嘉信理財交易與衍生品部門常務理事弗雷德裏克(Randy Frederick) 嘅睇法亦比較樂觀，也比較切中現時的市況，佢指出現時的跌市猶如「抖出一些投機資金，給非理性繁榮潑一盆冷水。市場不會直線上漲。儘管長期趨勢是積極的，但在過程中仍然會出現一些波折。這種回調是必需的」
陸羽仁
回應(7) 我想回應
陸羽仁 BLOG 舊文
