中環在線：陳?宗話教授冇料
「讀商科?時間」
■陳?宗噚日出席論壇，話大學教授唔知道商業世界實際點運作。朱家駿攝
恒隆地產(101)主席陳?宗一向語不驚人誓不休，噚日佢出席理大主辦?亞洲教育管理高?會議時，竟然話工商管理呢科浪費時間，又建議好多大學教授應該走出去做嚇生意，或者幫企業做顧問獲取商場實戰經驗；佢言下之意，即係話教商業?大學教授只識得紙上談兵，完全唔知道商業世界實際點樣運作。
陳啟宗平時月旦時事政局、鬧財爺夠曬激動，估唔到佢講商業教育都可以講得好勞氣。佢憶述自己20年前曾經去過一間東南亞頂尖大學演講，佢謔稱呢間大學?商學院院長可能做研究就相當一流，但對實際生活情況一無所知。
無從商經驗紙上談兵
佢認為，大部份大學教授缺乏真正從商經驗，只能傳授商業理論，未能將理論同實際商業環境結合，建議佢?走出去做生意或者幫企業做顧問，爭取多?實戰經驗。
雖然佢都係讀工商管理，持有美國南加州大學工商管理學碩士，仲係一讀完學位，就讀埋碩士；之不過，佢話自己讀完都唔知道做生意係乜東東，只係學到一?技巧，佢直情覺得工商管理(BBA)呢科係浪費時間，只係好多人誤以為讀完呢科就會搵到好工。
佢認為，應該好似佢個仔咁，大學畢業後工作幾年再去讀高級管理人員工商管理碩士(EMBA)，反而仲有用。講起佢32歲?阿仔陳文博，都係?美國南加州大學讀書，修讀國際關係，早年入恒隆?上海工作，前年調返香港跟董事總經理陳南祿，睇住有經驗?人點做去學?當然有效過死讀書喇。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
