輪商大歎搵食艱難
2014年07月18日
港股繼續交投淡靜，昨日波幅僅162點，收市微跌2點，成交亦只得520億元。筆者昨日跟一位輪商朋友食午飯，他大嘆現時市況下生意難做，新人入行已大不如前，惟有寄望稍後推出的滬港通，可以為股市帶來新刺激。
筆者朋友所屬的輪商，在發行商中也算前列，他大嘆近年港股除了交投減弱外，波幅亦不足，令投資者買賣輪證的興趣大減，因為炒衍生工具肯承受較高風險，皆因想博短期爆升獲利，但大市淡靜，輪證獲厚利機會大減，投資者索性離場，就算炒都只做即日鮮，輪商難以獲利。生意下跌唯有睇餸食飯，處處減省，不單人手要削，廣告推廣開支都要減。
滬港通「好睇唔好食」
年內，滬港通將會開通，阿里巴巴又在美國上市，但他相信對輪商生意幫助有限，隨時更是「蜑家雞」－見水唔飲得。他解釋，滬港通雖然可吸引外地資金通過香港買A股，內地人又可以買港股，對交投及走勢都有影響，奈何有配額限制。作為輪商，要為產品對沖風險，但在配額制下，一旦開出的產品急劇波動，倘拿不到配額無法對沖，隨時勁蝕。因此，滬港通對他們來說，只得過「恨」字。
那邊廂阿里巴巴到美國上市，又是商機可望而不可即。今年全球最矚目新股阿里巴巴倘成功在本港上市，以其增長潛力及科網新興產業，必然吸引資金追捧，而且股價相信會頗波動，適合發行輪證。可是，因為同股同權問題，阿里改到美國上市。
美國新近實行的外國帳戶稅務遵守法案(FATCA)，為防美國公民利用外國帳戶炒賣美國證券避稅，要求海外金融機構配合，要確保美國公民不會因而避稅，若客戶為美國公民，輪商要代扣起30%利潤作預扣稅，否則會被視為協助美國公民逃稅，或會被追究。就因為這法例，輪商若要發行阿里輪，就要客戶先確認為非美國公民，就算客戶肯確認，但窩輪再在市場轉手時，亦難保承接者為非美國公民，因此根本難以做到阿里輪生意。
朋友幽默地說，他們這行都有一個部門要大量聘請人手，就是監控部門，因為愈來愈多法例及條文要遵守，筆者聽後都很無奈！
《星島日報》財經組總採訪主任 auchoyee@gmail.com
歐祖貽
投資Cafe - 歐祖貽 舊文
