青心直說：港股七年之癢
■美股由高處未算高，到高處不勝寒。
美股見頂，歐債危機重燃，本未足以推鬱中港股市，要再把歐美制裁俄羅斯、阿根廷債務違約加起來，才算集齊印花。
眼見過去兩個月資金持續流入中港股市之同時，又流出美股基金，數據就係證據，連過去兩年不斷唱淡中國硬著陸的《華爾街日報》，都有以港股通即將啟動及中國次季經濟回穩推升港股牛市重燃的報道，從估值吸引力與避險意識出發，中港明顯成為資金從其他市場流出的最大得益者。有圖表、統計、數據、真相，投資市場總體而言都係零和時候多於Win Win。
疑似與歐美股市脫?
投資市場幾時都係資金流向話事，不要忘記，港股便宜非始於今日。正如北車(6199)忽然翻炒泰國高鐵，其實單刁老早於去年簽好，當時傳媒卻不當一回事，不過時辰未到，持貨者只能感到無奈又無言。
曾經提及的陸上絲路，就是高鐵，連北車、南車差異、南車與南瓜車亦分不清的，唯有靜待資金到位再發酵，反正高鐵在內地就早已被視為中國夢的組成部分。當樣衰央企改革、反貪腐也可以成為概念，國家主席的夢炒無可炒之時，分析員與基金經理手口並用，夾份炮製大龍鳳，亦非完全沒可能，隨口?起碼就有足球夢、高鐵夢。
資金佈局全球化，亦可以代表分化，尤其在股市，本地大戶過去幾年由蘋果炒到Google、由facebook炒到Tesla，中港股市難免因資金西遊而斯人獨憔悴，到了要輕鬆割禾青大舉回流，與其要堆砌誘因，倒不如簡單直接地指中港股市正值七年之癢，不是來得更坦白嗎？
事實上，美股由高處未算高，到高處不勝寒，投資者不是沒有絲毫感覺，只是大戶派貨幾時都係越派越高，大家早已被忘記得一乾二淨。
不少按捺不住後知後覺高追者，都犯上同一錯誤，以為股價已脫離基本因素而選擇純看資金流，誰知當資金流向逆轉，又不惜為自己的堅持死守製造理由開脫，細價股指數Russell2000持續表現不振一段時間，反映市場流動性收緊趨勢已成，其他指標如VIX恐慌指數，亦跟美股背離好幾個星期。中港與歐美股市，再難有關連性可言。
胡孟青
獨立股評人
胡孟青
青心直說 - 胡孟青 舊文
