中環在線：
父女關係冇轉差趙式芝快接棒
■趙式芝(左)強調升職只係名義上安排，業務上都係由爸爸趙世曾決定。朱家俊攝 
卓能(131)主席趙世曾唔接受愛女趙式芝(Gigi)與波爾錶太子女楊如芯?同性婚姻，曾於今年初加碼至10億元招婿，但Gigi跟楊如芯依然恩愛，正當大家以為佢兩父女關係麻麻，趙世曾噚日宣佈，鋪路交棒畀阿女，將於下月董事會上提議Gigi紮職，由董事升為副執行主席。
趙世曾暫無意退休
噚日本來係卓能將總部卓能廣場拎出?招標?記者會，估唔到趙世曾一併宣佈集團接班部署。不過，78歲?趙世曾講明，「工作係做人最大樂趣，若身體健康、頭腦清醒，希望可永不退休。」即係暫時未有退休計劃。
被問到做接班人?心情，Gigi回應話好感恩，但強調升職只係名義上安排，業務上係遵從爸爸?指引先做決定，佢預計最快10月正式擔任新職位。Gigi今年35歲，唔知係咪一下子被委以重任，感到有壓力，噚日表現得幾緊張，不時不自覺咁摸自己衫領。
講番卓能廣場招標，公司意向價8.8億元。連總部都賣，當然令人聯想到卓能可能想撤資，趙世曾就話「答你唔到」。
其實趙世曾舊年底都鬧過CY政府效率低，指香港營商環境轉差，?家在港投資冇乜意思，計劃削減在港投資力度。佢噚日繼續講，對香港競爭力下降感到好痛心，減少香港投資都係為勢所逼，現階段未有打算?香港買地。不過佢就有意成立信託基金，作慈善用途同埋畀家族成員，又可能向表現良好?員工發放股份。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
