異動空間：券商股黑馬之選
中美股市升到冇brake，港股就拉牛上樹，近排唔少報章專欄都叫散戶外闖，否則將坐以待斃。究竟唔殺出去係咪死梗？暫時睇未係。滬港通後揸平保（2318）、華夏滬深三百（3188），四個月升逾五成，有得輸？國際基金成team人分曬工一年有冇五成回報？
炒股票要長搵長有，最重要係盡量減少犯錯，總有一堆股票炒得零舍順，因成日睇住，熟佢上落pattern或者對業務有較深入研究，甚至識佢個莊，呢啲都係炒作優勢，較易從中獲利，如能做到這點，比貿然外闖更實際。散戶資金有限，但全球股票無限，以有涯隨無涯，殆已。當然如能全職炒股，小注試試A股水溫無妨，但主戰場還是自己熟悉的股票為宜。
內地股市暢旺，券商股必然是大贏家，大路買邊幾隻，魏力推介咗N次，不贅。浙江滬杭甬（576）擬今年底或明年初分拆旗下浙商證券於上交所掛牌，明言上市後有助大幅提升盈利。滬杭甬去年公路、證券業務比例分別為68%及26%，賣點是穩健息高（公路股），兼具證券的高增長及分拆元素，目標先睇十一蚊。
魏力
http://www.facebook.com/2012jason
魏力
異動空間 - 魏力 舊文
