魚樂無窮：
尋找大市巨浪救生圈
■讀者未必識國際家居，但其主業日本城就九成九幫襯過。 資料圖片
一睇標題，相信好多人都會暗罵︰「明明執豆咁執，講乜嘢救生圈呀？」雖然港股處於七年高位，唔少股份更升至歷史高位，但對於畏高嘅投資者，選擇其實買少見少。公司回購或大股東增持，成為佢哋喺大市巨浪
嘅救生圈。無他，兩個最了解公司運作嘅parties，都自掏荷包掃貨，反映現價肯定未反映實際價值，既然市場唔識貨，不如收埋自己食，大有肥水不流別人田之感。
今日推介國際家居（1373），近日回購及增持活動打孖上，一加一威力肯定大過二。國際家居你未必識，但講佢主業日本城就九成九幫襯過。事實上，連同生活提案、文具世代等品牌，在港分店數目達247間，計埋東南亞等地更達354間。新近更連環出手，先推出網店「JHCeshop」，打通強大銷售網經脈，盈利更添動力，其後再收購年輕人品牌「ELLA」，實行大小通吃。
「講到咁吸引，估值肯定貴到飛天啦！」唔好意思，公司最新市盈率只得9.9倍，息率超過4厘，平到你唔信，手頭淨現金超過4億，相當於市值三成，財務狀況一流，文初提及嘅回購及增持等動作，變得理所當然。要留意，部份作價講價兩蚊樓上，意味現價入市絕不蝕底，上周大成交突破阻力，用PE15倍做指標，股價可見三字頭。
唐牛
https://www.facebook.com/tongcow88
唐牛
魚樂無窮 - 唐牛 舊文
