實戰理論：港股自救兩個方法
■投資者只要相信牛市尚未玩完，最終也能有獲利機會。 資料圖片
大市昨日下跌301點，恒指收26687，最低見26573，乜嘢短期支持位、技術位都破曬，各位驚唔驚？如果高位有減磅就唔驚，出嚟行唔睇路，不斷買到滿倉的話，你話唔驚就假。所以，筆者經常提醒大家，
雖然是大牛市，也不可以不問價不理高低，亂咁去追貨。投資也好，投機也好，一定要有策略、有部署。錯失某一個機會並不是錯，不問價追貨也不一定錯，但通常都會係錯的。
下午大市打穿26700，主要是新沙士消息的出現。無可否認，2003年沙士的經歷大家歷歷在目，但此一時不同彼一時，當日之嚴重擴散，在於官員的失誤及輕視，但今日大家有經驗，照道理並不會重蹈覆轍。
弱股換強股時機到
早前數日，筆者已提醒大家，小心大市要造落，27000關口下破的機會頗大。既然有不少大戶造了淡倉，既然有如此因利成便的藉口，不乘勢抽水，加快將大市推下去就枉為大戶了。
事到如今，無謂去估底，若然高位有減磅，持貨不太重的話，就可輕輕鬆鬆慢慢揀貨買，逐段低吸。若然持重貨就無辦法，只有死守，只要你是相信此牛市未玩完，最終也能有獲利機會。另一個可行的策略就是趁低換馬，本身的股份雖已跌，但其他好股也一樣跌了下來，將慢的換入快的，將弱勢股換入強勢股，也不失為自救的方法。筆者認為低吸的首選仍是內銀、內險及資源股。本地經濟相關的股份，就一概不會沾手，大家可自己去選擇。
沈振盈
證監會持牌人士
沈振盈
實戰理論 - 沈振盈 舊文
