中環迷你裙：從買車悟炒股術
■不是人人可做謝霆鋒，22歲炒咗架法拉利。 資料圖片
2015年下半場也只不過剛開場，形勢大逆轉，大時代升幅一下子蒸發，不過2015年是大時代的看法仍然不變，因波幅夠大，若閣下上周三跌逾2,000點喪撈貨，上周四完全是大牛市，大價股都錄幾成升
幅。本周終要回歸現實，戰友都嘆謂「今時唔同往日」，港股元氣大傷，仲以高槓桿博高回報，無疑玩命，Samantha本季且戰且走，加上剛做了車主能分散自己注意力，其實駕車與炒股有不少相似的地方。
新牌揀平車，新手切記細注：不是人人可做謝霆鋒，22歲炒咗架法拉利，故新牌仔大多推介揸日本車：因為好難唔撞花，就算報銷也不肉痛。炒股開初，好難唔輸鑊甘，十鋪有六鋪贏已是異數，控制注碼能減低傷害根基的機會。
捨易取難，鋪平道路：老爸捉Sam操車，專挑人多車多路線，目的是希望Sam自己揸車時「騰騰震」。炒股入門，最好多看書，多看複雜的通告，就算股價殺落嚟，也不至於驚惶失措，冇覺好瞓。
多操車，多操盤：要熟悉路面情況，要多操車；要熟悉市場的脈搏，沒有捷徑，多操盤。前輩經常話炒股有節奏，跟著節奏走才能捕捉升浪，更重要是聞到不對路走得甩。
Samantha本周不在港，下周將回歸，開番部報價機，與大家並肩作戰。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文
