女神tea time：三大優點實力股
■的士司機反Uber，令市民對司機怨氣大爆發，結果反而令Uber更紅。 資料圖片
的士司機反Uber，令市民對司機怨氣大爆發，結果反而令Uber更紅，呢啲咪捉蟲囉。科技真係可以令社會進步，試過用某大的士App call車，由尖沙嘴
call去觀塘，一分鐘內已有人接單。
我都有遇過好到我願意畀貼士嘅的士大佬，不過機會少之又少。如果叫Uber唔使貼錢睇人面色嘅，我真係寧願畀貴少少。所以呢個世界，價錢唔係一切，質素先係最重要。引伸到公共開支，政府以至港鐵（066），用價低者得模式放標，結果咪令到香港變多鉛城市，出現港鐵延誤新常態。
港股現階段，老土講真係要炒股不炒市。呢幾日美國科網股升到癲，Google、eBay、Netflix全部大突破。想喺港股搵影子，可以留意天彩（3882）。天彩係運動相機、美國上市GoPro主要生產商，上星期更加發埋盈喜，如果唔計上市費用，料上半年淨利按年大增80%！要知道GoPro未來會出嘅新產品包括GoPro HERO4 Session、無人機等，將令公司更上一層樓，GoPro股價近日亦炒上。
睇業績，擺明係實力股。第二係有概念，食到近日美國科網熱，第三係，天彩招股價3.38元，最近已企穩招股價樓上，完全冇蟹貨。呢咁既市況，天彩能夠有齊呢三個優點嘅，絕對可以跑出。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
