魚樂無窮：
散戶優勢股災浮現
■面對噚日嘅股災式跌市，散戶只為自己荷包負責。 易仰民攝
曾聽過一個心理測驗，假設有兩個現象︰全世界散戶炒股賺7萬，你賺8萬；全世界散戶炒股賺10萬，你賺9萬，你會揀邊個？大部份人寧願揀賺少啲（8萬），都唔想賺少過大圍（9萬vs10萬），證明跑贏大市對唔
少人嚟講，非常重要。
如何量度是否跑贏大市？最簡單方法，莫過於將回報與恒生指數表現比較，升得多過恒指，跑贏；跌得少過恒指，同樣跑贏。當然，你又可以同戰友比較下，邊個回報率勁啲，呢個正正係基金常用啲方法，知己知彼，百戰百勝！
聽過賭場優勢嗎？唐牛N年前寫過，簡單啲講，就係任何賭局，諸如百家樂、大細、輪盤、21點等，賭場嘅贏面總比賭仔高，少則幾個巴仙，多則十幾個，所以賭仔長賭必輸，賭場就係憑這點優勢賺錢。唔講唔知，其實股場內，散戶相對基金也有優勢的，在股災時更加顯著。
究竟係乜嘢？就係揸現金優勢！基金面向客戶，規定倉位有一定股票在手，決不能貿然清倉，面對噚日嘅股災式跌市，一旦觸及最低持倉水平，只能換馬不能離場，焗賭之下，只可以揀啲跌得少嘅股票，咪話唔陰公。相反，散戶只為自己荷包負責，明知同最低價有一大段距離，梗係揸實cash等運到啦。執筆之時，夜期再跌多400點，大家好好把握散戶優勢吧！
唐牛
https://www.facebook.com/tongcow88
唐牛
魚樂無窮 - 唐牛 舊文
