女神tea time：
救香港方法得一個
■香港四個主要行業分別係金融服務、旅遊、貿易及物流、專業服務及其他工商業支援服務。 資料圖片
根據政府統計處資料，香港四個主要行業分別係金融服務、旅遊、貿易及物流、專業服務及其他工商業支援服務。你話香港係國際金融中心，係嘅，但
在環球市況都唔掂時，呢個已經唔係一個優勢。同樣，貿易及物流服務隨住環球需求向下，都會受打擊。至於專業服務及其他工商業，呢個係香港重要支柱，香港食唔食到老本就靠呢班專業人士。
講到旅遊，香港呢幾年的確好積極發展，見到內地旅客湧港，就唔使諗後路，連Plan B都冇。冇錯，本地零售過去十年風生水起，但港府任由舖租越推越貴，令最終只有鐘錶珠寶藥房生存到，店舖種類完全迎合內地客，過於單一化，早已訓練到一班香港人唔出街買嘢，令好多小商戶轉開網店。
而家想買衫，我鍾意去美國、日本、韓國買，點解一定要幫襯本地網店？所有網店面對緊嘅係全世界競爭，要做得大係要有自己品牌，再向世界推廣，開托香港品牌市場，先係救香港唯一出路。但問題連內地過去幾年都推出扶持內地電商政策，香港政府咁多年來，呢方面又做過啲乜嘢實事？香港市場太細，在資訊快速流動嘅年代，香港文化唔想被消滅，方法只有一個，就係輸出香港文化、產品。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
