魚樂無窮：災後批股大智慧
■江南集團市盈率只得8倍。圖為集團主席芮福彬。 資料圖片
江南集團（1366）上月24日宣佈，以先舊後新方式，向不少於6名配售人配售3.7億股，每股作價1.95元，集資淨額7億，用於建立海外銷售網絡、投資電纜相關業務，以及營運資金。消息公佈後，股價一度炒高至2
.24元，就算其後回落，亦一直守穩批股價。
「呢啲通告成日都有啦，有幾特別呀？」冇錯，畀著以前大時代，抽水通告無日無之，多一隻唔多，少一隻唔少。但股災後搵食艱難，有幾個錢都寧願自己袋住先，從另一角度出發，依然有能力向街外人伸手拎錢，肯定唔池中物了。
江南集團主要在內地產銷輸配股系統及電器裝備用電線電纜，過去四年盈利均有雙位數增長，穩陣度達五粒星，2012年4月上市後，一直維持中期及末期全派息政策，最新息率仍超過三厘，現價較招股價（因曾一送一紅股，招股價實際為0.71元）高出近兩倍，名符其實有升有息。市盈率只得8倍，比起內地同業動輒數十倍估值，可謂平足一條街，近期更斥資7.4億人仔收購兩個項目，預計即時可提供盈利，意味估值只會更平。
如此筍貨，金手指惠理當然唔放過，股災後連番增持，最新持股量8.27%。惠理5月持股首度曝光時，平均入市價係2.534元，現價2元相當於八折，機會千載難逢！
唐牛
https://www.facebook.com/tongcow88
唐牛
魚樂無窮 - 唐牛 舊文
