炒友Blog：中交建現價可低吸
人仔貶值繼續衝擊大市，恒指同H指分別大跌582點及221點，跌幅達2.4%同2%，恒指24000關口失守，本周若不能重返其上，後市會比較麻煩，前低位22836好大機會要再受考驗。
強國經濟轉弱，救亡運動之一係以人仔貶值振興出口，二係繼續大搞基建，
早前有報道指國家政策性銀行會發行規模達1萬億銀人仔的專項金融債，用以支持地方基建投資，故此昨日大跌市，基建類股價算係企得幾硬淨。
中交建（1800）是國內交通基建業龍頭，主要從事基建建設、基建設計、疏浚及裝備製造業務，政府大搞基建自然受惠，況且估值不高，往績PE不足10倍，大跌市中可作為穩健之選。
除了受惠大搞基建，中交建還有幾個值得睇好的亮點。首先，在一帶一路政策下中交建擴大了向外發展的空間，年來先後取得多個海外大單，近期又競投斯洛伐克高速公路項目，以及取得吉大港隧道項目，而在斯里蘭卡的海港城項目亦可望重啟，集團的目標是5年後海外業務營收佔總體35%以上。海外業務已可帶動業績增長，而在人仔貶值的背景下，海外收入更可多賺一筆外滙收益。
此外，中交建亦有重組概念可炒，集團早前整合了旗下天津、上海和廣州航道局，成立中交疏浚，已申請於本港上市。疏浚行業估值較高，分拆疏浚業務有助中交建釋放其價值，招股一旦有進展，股價當有反應。以走勢而論，中交建頗有見底之意，其周線圖上周出現破腳穿頭大陽燭，本周升後回吐料屬整固，MACD熊差距已開始收窄，慢隨機指數維持買入訊號，現價正好低吸，中線目標睇14元，跌破9.60元止蝕。
邱古奇
本欄逢周二、四、五刊出
邱古奇
炒友Blog - 邱古奇 舊文
