女神tea time：港輸畀星的死因
■政府神速打擊Uber，高調上門拉人兼封舖。 資料圖片
政府神速打擊Uber，高調上門拉人兼封舖。香港人與的士司機積怨甚深，一時間網上好多人出口撐Uber。
香港一直以來，因為享有自由經濟，可以成為亞洲四小龍之一。不過喺start
up湧現潮流下，法例越顯得落後。Airbnb幾年前試過落戶香港，係Airbnb最早開發嘅亞洲市場之一，仲開咗個office。點知當時有民宿被多間傳媒定性為「非法」，之後Airbnb的營運團隊索性撤走，將辦事處搬去新加坡。Airbnb目前市值係240億美金。
一直以來，美國之所以成為全球經濟第一大國，倚賴嘅係創新科技，開拓新市場。一個城市嘅興衰，就係睇佢跟唔跟到時代步伐。於共享經濟不可逆轉的大勢下，香港繼續墨守成規，就只有死路一條。他日徹底輸畀新加坡，你明點解。
股份推介方面，英裘（1468）3月時轉主板上市，之後都喺1.9至2.7元區間徘徊。公司主要從事狐狸及水貂的毛皮貿易及經紀業務，近年積極收購水貂農場，最近再用近2,300萬元去收購。又轉主板，又大舉收購，動作多多，似乎有所部署。一隻英裘，有曬上遊下遊業務，買一得二，如果公司醒目將業務分拆，條數就靚得多了，可以在淡市中小注冷敲。
Fifi
本欄逢周二、四刊出
http://www.facebook.com/lovefrystock
Fifi
女神tea time - Fifi 舊文
