女神tea time：貶值難救中國製造
■中國股市已爆，上個月固定資產投資和工業生產增長普遍下滑。 路透社
阿爺將人仔暴力貶值救經濟，你估真係咁易？首先，中國股市已爆，上個月固定資產投資和工業生產增長普遍下滑，內需受影響就一定㗎啦！
不過，出口弱唔止係中國面對嘅問題，
而係全亞洲都面對緊，由此反映，晶結在於發達國家需求弱，你人仔貶值一成好未？但改變唔到環球市況，貶值難以抵銷留箇中影響。
更重要係，「中國製造」呢個品牌已臭，之前有個內地廠佬參加完德國工業展後，發現唔少外資因唔信中國製造，所以連睇都唔睇。加上，喺人民幣貶值下，其他亞洲貨幣應聲跟貶。前IMF經濟師Stephen Jen曾警告，新興貨幣未來9個月平均恐跌30%至50%。人哋成本都跟住平，咁我就冇咁大必要貪平去買出名質素差嘅「中國製造」，仲可以打「非中國製造」旗號！你見阿信屋見「日本製造」越來越平，都衝去日本入「12蚊店」嘅貨源。
印度呢個新興國家自然係中國重大嘅對手之人，至於發達國家亦會搞「再工業化」，德國亦推工業4.0，美國推進製造業復蘇。所以中國經濟如果未來或會轉差，其中一個因素，就係輸在大家深信：中國的會爆炸。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
