魚樂無窮：
每日燒47萬怎麼辦
■大洋集團全年見紅1.6億。圖為集團非執行董事吳意誠。 資料圖片
大洋集團（1991）7月時宣佈，控股股東兼主席黃勝舜及其家族成員，有意向獨立第三方出售不少於4.2億股或54%股權，變相賣盤。消息公佈後，大洋翌日一度炒高逾兩成至1.9元，市值膨漲至接
近15億。上月底公司宣佈，潛在交易討論正式終止，大洋裂口低開，一度低見0.51元，與高位比較大跌73%。以為大洋就咁玩完？咁你就錯了，終止賣盤公佈當日，正是大洋見底之時，上周五收報0.86元，較低位急彈七成，並完美補回下跌裂口，究竟甚麼葫蘆賣甚麼藥？
大洋主打消費電子裝置周邊產品、電腦及筆記型電腦按鍵等，近年業績認真麻麻，上周四公佈初步全年業績，全年見紅1.6億，過去三年累積共蝕5.1億，平均每日蝕47萬。如此燒銀紙，大股東意興闌珊是常識吧，加上而家求殼若渴嘅市況，雖然今次傾賣盤失敗，但未來洽談一定會接二連三。再講，雖然業績曳，但大洋財務狀況卻不賴，每股NAV達0.62元，水份不高，兼有淨現金揸手，從殼股角度出發，極品也！
大洋最新市值6億，與殼價不相伯仲，創業板啤殼成風，呢類潛在主板殼股價值肯定更大，肯定更搶手，炒上值博率其實好高，一旦再有賣盤消息，好大機會掃到甩轆！
只要用心，人人都可以係股神！
唐牛
https://www.facebook.com/tongcow88
唐牛
魚樂無窮 - 唐牛 舊文
