財經評論：
150呎的空間
■佐敦遠期樓花新盤AVA62，單位面積最細152呎。 資料圖片
近期身邊一位中學時期老友叫小記幫手留意下市區樓租盤，條件包括要有房、不可少過300方呎，而且最好有裝修。「筆直」最多7,000餘元。
如果早係三幾個月前，任何一個人都可以斬釘截鐵同佢講句「諗都唔使諗」
。不過，當下樓市吹淡風，綜合番代理朋友近期的市況分析，部份小業主想出貨的心態強烈咗，亦有部份業主表明無人買都寧願收住租先，唔敢由間屋丟空。如此一來，市面上租盤應該會多返少少，租金多少都應該有點調整，小記呢一刻亦都有多少信心幫到佢手。
生活或生存空間
不過，倒轉成件事來想一想，一個人要求有300餘呎的單位，有房間的生活空間，其實是一個好基本，好基本的生活要求，但點解在香港，竟然是好像一件遙不可及的事。
歸根究柢，近年來，政府幾乎任由發展商新樓的單位面積想幾細就可以有幾細，一個佐敦新盤實用面積得150方呎都照批則，到底150方呎是一個生活空間，還是一個生存空間呢？而為了一個生存空間，香港人就要背負住一個隨時是畢生的財政包袱，政府的一眾高官，請你們不要再用「市場主導」做擋箭牌，更加唔好以為拋出供應量就可以令樓價回落返，而是需要全面檢討批則的制度。
相反，以往被狠批為劏房專家的市建局，該局近期批出舊樓重建項目予發展商時都算是「有番多少人性」，在招標條款寫到明單位面積最少都要有200餘呎，起出來的單位相對地仲叫住得下人。
記者：黃嘉銘
財經評論 舊文
