氣價暴挫
2015/10/27 09:01:26
網誌分類: 經濟
國際油價下跌至2個月新低，天然氣價格更暴跌近一成，拖累能源股向下，再加上市場睇唔好蘋果公司即將公佈?業績報告，美股連升兩日後，借勢調整，不過跌幅有限。杜指微跌24點，收報17623點，跌幅0.1%；標準普爾500指數跌4
點，收2071點，跌幅0.2%；納斯靠穩，微升3點至5035點。
原油庫存增加導致該行業短期復蘇的希望破滅，加上國際能源總署警告石油投資將進一步減少，消息令到國際油價跌勢不止，紐約期油價格下跌1.4%至每桶43.98美元，係2個月以來新低。
而天然氣期貨價格連續第四個交易日下跌，週一跌幅9.8%，跌到阿媽都唔認得。下月天然氣期貨合約跌至2.06美元，是2012年以來的低位，氣價正在繼續破位向下。
天氣價大跌，和基本需求弱庫存大升、預估氣候回暖、以及周三期貨合約到期有關。天氣報告話未來兩星期美國廣泛地區回暖，影響氣價。由於需求差天然氣需求弱，天然氣上周庫存高達3.81萬億立方呎，而上一個高位是2012年11月的3.929萬億立方呎，美國能源諮詢署估計11月庫存會去到3.956萬億，而市場人士更估計會到4萬億。淡友就襯你病?你命，力沽天然氣期貨。
氣價大跌，俄羅斯等大量產氣國自然中招，股票如昆侖能源亦會受壓，近期佢由8月尾的低位4.67元低位大力彈上6.49元，睇怕要跟大圍氣價回吐。
另外美國能源股受創，其中美國兩桶油雪佛來（Chevron）及艾克森（Exxon Mobil）分別下跌2.7%及2%，係表現第二及第三差?杜指成份股。杜瓊斯能源指數大跌2.5%，拖累美股向下。
杜指跌市冠軍係派季度成績表在即?蘋果公司，股價大跌超過3.2%至115.26美元。蘋果公司將於今晚美股收市之後公佈財報，而蘋果供應商Dialog Semiconductor昨日宣佈，初步計算的盈利以及業績展望均不及預期，其股價在倫敦股市暴跌20%。呢個消息令到投資者推論蘋果公司第四季度的銷售量可能唔係想像中咁強勁，自然走為上著啦。重磅股蘋果大跌，但納指仍然跑贏大市，收市有些少進賬，主要係科技有Google母公司Alphabet、微軟、Facebook及亞馬遜持續上日升勢，生物醫藥股反彈頂著。
聯儲局今晚將召開一連兩日?議息會議，大多數市場觀察家都認為，聯儲局仍會按兵不動，會後無記者會，唯有睇個議息聲明靠估。近期出籠的美國經濟數據唔係幾得，例如昨日公佈?9月新建房屋的年化銷售數字下降至46.8萬幢，係去年11月以來最低。市場預計今年新屋銷售大幅攀升之後會逐步回落，但估唔到?係降速遠超預期，市場原預期9月數字係55萬幢。聯儲局有更多一重考慮係全球央行都在大放水、推QE，聯儲局似乎已經係「阿超著褲」，較難行動。而今個星期將公佈的美國第三季度GDP資料，可能係聯儲局維持政策不變的一個下臺階。
陸羽仁
回應(4) 我想回應
陸羽仁 BLOG 舊文
