智取大市：克強答案VS真心話
■總理李克強（左二）一一解答中國金融同經濟問題。 彭博資訊
昨日國務院總理李克強喺兩會閉幕日出席記者會，大部份記者都追問中國金融同經濟問題，李克強一一解答，但稍嫌答案冇乜驚喜，務實得嚟有點離地，好似講緊平行宇宙裏面嘅另一個中國咁。因此，就3條記者所開嘅主
要金融問題，提供咗李克強真實答案以及本欄嘅「真心話大冒險」設計答案供大家參詳。
一）中國金融市場面對哪些主要問題及挑戰？
李克強答案：……（冇答過，全程off topic。）
設計答案：梗係外資走資、樓市泡沫、地方債、國企負債、貪腐……時間有限，Next。
二）有人擔心中國經濟會一路下滑，甚至跌穿6.5%，拖累世界經濟，請問您怎麼看？
李克強答案：世界經濟現在復蘇乏力，中國經濟又深度地融入世界經濟，會受到影響和沖擊...有外媒報道，說是到中國的某個重化工企業，感到經濟不景氣，而到科技城看，那裏的場面火爆，好像經濟還在兩位數增長，這跟我們下去調研的一些感受是類似的……中國的經濟不會硬著陸……當然，世界經濟走勢還不確定，不穩定的因素也在增加，但是我們有政策儲備。
設計答案：首先，世界經濟點衰都唔關中國事，但毫無疑問，世界是中國的。至於6.5%呢個數字，無謂咁執著，事關講幾多，大家都係覺得有水份吧，況且，齋講GDP沒用的，我夠知中國GDP是沒有素質的，但黨要維穩，班手足點都要食架，所以要畀佢哋喺國企收入度食嚇夾棍，如果唔係共產黨點頂得住？……（隔5秒後）……呢個係爛Gag。
三）香港的出路到底哪裏？中央政府是否會出新的措施來支持香港的發展？
李克強答案：香港發展要靠自己的努力……只有有利於香港長期繁榮穩定，有利於增進香港民眾福祉，特區政府提出來的事，中央政府都會全力支持。
設計答案：香港嘅出路就係為中央榨取外資嘅美金嚟報國；同埋將外滙儲備投資喺基建項目，回饋中央；同時確保官員同志們之前喺香港買落嘅資產價格受到保障；至於其他有利黨中央嘅事，特區政府都應全力支持。
晉佳
https://www.facebook.com/advanceguy1/
晉佳
智取大市 - 晉佳 舊文
來源 source: http://hk.apple.nextmedia.com
