財女手筆：內地人爆買海外啤
■內地啤酒競爭激烈，青島啤酒銷售困難，毛利亦受壓。 資料圖片
爆買奶粉已經唔係新鮮事，家陣內地網購非常方便，加上中產越來越多，日本向中國進口最多的食品已非奶粉，而係大米、啤酒及蘋果，好明顯內地人爆買的層次，已經延伸至生活日用品！
以啤酒為例，中國國產
啤酒去年產量4,715萬千升，年跌5%，亦是近5年來最低產量；相反去年首11個月，內地從海外進口啤酒50.4萬千升，按年飆升61.4%，連續第四年錄得逾60%的增速。
內地中產超過1億人，只會更加注重生活質素。日韓有和牛、韓牛，只供國內品嘗，若中國想要奢侈的優質生活，只會繼續向海外貨親近。睇嚇青島啤酒（168），第三季純利跌30%；加上內地啤酒競爭激烈，青啤銷售困難，毛利亦同樣受壓，大行紛紛勸籲可免則免。全年業績當然唔會靚仔到去邊，該股周一股價「飲醉酒」，一下子高開兩成，高見35元，其後又跌落29元水平，大起大落，真係嚇親人。
今年初見過大連萬達集團董事長王健林，佢提到中國人在海外唔買奢侈品，唔係問題呀。不過，如果中國人連日用品都在海外買，必定會造成大問題！看來，是內需往海外流走的問題！
Melody
本欄逢周三刊出
Melody
財女手筆 - Melody 舊文
來源 source: http://hk.apple.nextmedia.com
