智取大市：新世代基本分析
■未來大部份股票會跟隨市場風險胃納而升升跌跌，如中煤能源。圖為集團董事長李延江。 資料圖片
做基本分析之前，先要了解呢個地球嘅經濟模式，究竟作出乜嘢改變。如果仲係用緊以前嗰套去睇𠵱家嘅經濟同股市，自然有機會買咗啲表面上好有價值，但長期股價一沉不起嘅股票。
現
今全球經濟第一個特點，係量寬、錢多。錢總要搵地方去，雖然話經濟麻麻地，但係市場上錢太多，就自然有人多錢要使。第二個特點，使錢嘅方式越嚟越冇地域限制。第三個特點，亦同第二特點有關，就係錢去到嘅目的地，比以前集中得多。Pokémon GO就係一個好好嘅例子，全球各地嘅人一窩蜂課金去呢個game度。
上述嘅特性，就會形成一種現象，就係大部份嘅行業好差，同少部份嘅行業好好。最強嘅例子莫過於騰訊（700），大陸人喺手機消費，好多時就要畀錢騰訊。
可見將來嘅大部份時間，都只係少部份股票特別強，其他股票，就跟隨當時市場風險胃納而升升跌跌，長期炒波幅，例如中煤能源（1898）股價曾經踐過地底泥，之後由2.5元升番去4.5元，但又唔叻得去邊，之後又落番3.5元。所講大部份股份未來一段日子，就係咁樣上上落落，講緊可能係幾年時間。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
