魚樂無窮：
翻兜高息精選股
■何焯輝任主席的嘉利國際估值及前景均值得憧憬。 資料圖片
第三季精選股嘉利國際（1050），連股息回報最多達48%，其後獲利盤湧現，最新較高位回落逾兩成，從估值及前景睇，皆值得重新入場。
再簡單講講嘉利背景，老牌工業股，主打五金塑膠及電子專業代工業務，當中
以伺服器外殼最標青，全球四大伺服器供應商，有三個都係嘉利嘅客，自動化運作成熟，生產成本越來越低，另外，餐飲業虧損未見擴大，賺錢指日可待。
集團嘅最新動態亦係翻兜關鍵︰公司與主席合作發展鳳崗住宅項目，日前終發出通函，只待下月初股東特別大會通過，即可上馬。該項目總樓面面積約6.1萬平方米，以當地住宅每平米售1.9萬人仔嚟計，項目總值11.6億人仔。
但要留意，呢個只係餐前小吃，主菜在於嘉利同時持有該項目毗鄰已補地價住宅地，總樓面面積達11萬平方米，項目總值21億人仔，相當於集團市值兩倍，而補地價僅涉資5,200萬人仔，可謂啖啖肉，與主席合作項目共同發展，1+1威力肯定大過2！
無限風光在眼前，現價市盈率卻只得10倍，更有近6厘息打底，有唔買的理由嗎？
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
