智取大市：長期負利率點玩
■歐洲有企業以低於零息發債，證明市場料歐洲負利率會長期維持下去。 資料圖片
今次升浪，好多人話係由放水帶動，之但係由2009年到𠵱家，其實已經不停放水，咁近排同之前又有乜分別？
呢兩日值得留意嘅新聞，其中一單，係歐洲有兩間企業以低於零息發債，發債呢家嘢，同IP
O一樣，事先一定要圍到飛先至定價，既然兩至三年期歐元企業債，能夠以負息定價，五年期債都可以玩到零息，都仲有大把人買，咁即係代表，市場認為，歐洲負利率將會長期維持落去。
放水預期，一直都存在，不過，負利率將會維持若幹年嘅預期，似乎未認真喺股市上反映曬，或許，今次升浪正在反映呢件事。如果市場當正負利率會有排延續落去，股價會演變去乜嘢程度？少啲想像力都唔得，而有幻想空間嘅話，自然能形成升市藉口，玩到癲一癲都有人信，到時就自然貴一貴都有人接貨有人搶。策略係點？睇圖睇動力見機行事，因為圖表最老實。
晉佳
http://fb.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com
