財經評論：南港島綫開通憂慮
■南港島綫有望喺年底通車。 資料圖片
住港島南區嘅朋友，對香港仔（時光）隧道唔會陌生，呢一條香港仔隧道神奇之處，絕大部份嘅時間都係處於擠塞嘅狀態，由黃竹坑到跑馬地嘅時間，最誇張可以由香港飛轉台灣，不過嚟緊呢個問題就會解決。
「等，寂寞到夜深」，住係鴨脷洲、黃竹坑嘅居
民，等咗十幾廿年，終於等到啦。港鐵早前聲稱南港島綫可以喺年底通車，可以紓緩香港仔隧道嘅塞車狀況。之不過問題又嚟啦。首先，港鐵能唔能夠如期通車呢？其次，南港島綫只有三卡列車，係咪能夠滿足全世界人口密度數一數二嘅島嶼、鴨脷洲居民嘅需要呢？
再者，呢條南港島綫列車嘅車廂由全自動列車控制系統操作，而呢批列車都係中國製，港鐵本身都成日壞車、訊號出現問題，再配上中國製列車，大家都可以想像得到……真係隨時塞香港仔隧道，都快過搭港鐵都唔出奇。
南港島綫除咗金鐘站同海洋公園站之外，其他站係唔會有票務處，有問題時，只可以詢問站內職員流動協助，即係隨時有問題都無人幫到你。再講下車資，使用成人八達通，總括而言價錢尚算合理，只係來往港島綫嘅車資略高。但係港鐵嘅野，就當然會年年壞車、年年加價。而且通車之後，巴士、小巴嘅路線將會重整，其實變相少咗選擇，到時港鐵加價，南港島綫嘅居民咪一樣要硬食。
有咗南港島綫，雖然有部份人會覺得方便咗，但其實呢條綫又係咪真係咁好呢？就要留番開通後再睇睇。
記者：何紫恩
財經評論 舊文
來源 source: http://hk.apple.nextmedia.com
