智取大市：候破頂的穩陣股
■恒安喺滙率優勢之下，下半年盈利增長可望加快。 互聯網圖片
自從資金由藍籌轉往二三線股之後，炒到癲曬，即使恒指小時圖走勢較差，仍然可以定性為好友力量明顯強於淡友，目前唔係去怕嘅時候。贏要谷、輸要縮，唔使咁複雜，如果呢排炒股贏開，咪繼續谷咯。
新強勢股當中，穩
陣啲嘅選擇有恒安（1044），股價自6月開始，由53蚊起步，慢慢升至接近70蚊，去到星期二，一度震倉跌6%，但兩日內股價又收復失地。
扣除其他收入之後，恒安上半年稅前盈利升幅約9%，喺收入幾乎持平之下，加強效率，分銷成本同行政費用同時下跌，令盈利上升。踏入下半年，人民幣在岸價跌幅超過3%，由於恒安產銷紙巾、衛生巾等產品，原材料木漿以美金結算，收入大部份以人民幣計價，人民幣上升能夠明顯擴大毛利，喺滙率優勢之下，下半年盈利增長會加快，增長可望明顯高過上半年，大行普遍預測恒安下半年盈利同上半年相若，未來可能出現重估潮，估計市盈率會低過目前大行預測嘅18.6倍，行業龍頭嚟講唔貴！另外，通脹亦利好民生消費股，優勢有機會持續至明年。
恒安震倉再收復失地過後，趁市況亢奮，相信股價升勢會加快，但仍然係穩健之選。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
