智取大市：小心部署賭波幅
■如果短線一博，強勢賭股新濠有日本賭牌概念，值博率較高。 資料圖片
上星期一港股小股災，大家見識過熱炒股跌勢有幾得人驚。上一期提過要防備恒指跌穿27300點嘅見頂劇本尚未出現，而港股上周一大跌後，上周其餘時間未有再大跌，低位27300點至27600點期間，出
現兩度即市反彈，加上執筆時黑期反映恒指重上關鍵支持位250小時線以上（現延伸至27665點），如果恒指高開百幾點，恒指短線就重返安全位置。
上一期預測恒指將會進入為期至少幾個月嘅調整，但恒指如何構建成頂部？越短線，趨勢越難掌握，雖然難估，但唔代表唔去估。小弟構想一個較貼近現況嘅劇本，觀乎上周一小股災跌勢急勁，投資者情緒有可能趨向神經質，大上大落、波幅擴大之下，恒指大成交再破頂，略破今年高位，形成擴散三角形形態，跟住見頂。係咪咁玩法，都係見步行步吧。
假設放完假返嚟，恒指高開百幾點，估計面對仲有幾百點波幅嘅話，短線仍可一戰，但面對投資者變得情緒化，落注要較第三季減少，持股數目亦要減少，以免手忙腳亂。
與此同時，中長期似乎進入造頂時期，屬危險範圍，故不建議作中長期建倉，反而等恒指再衝，中長期仲有持倉嘅話可減持食糊。如果短線一博，強勢賭股新濠（200）有日本賭牌概念，EV/EBITDA相對龍頭銀娛（027）、金沙（1928）有四成折讓，股價剛破頂，值博率較高。
晉佳
智取大市 - 晉佳 舊文
來源 source: http://hk.apple.nextmedia.com
