【實力取勝】下年點都輪到A股卦？（陳承龍）（第157期）
2017-12-29 13:37:45
今期我整咗個表，比較咗2017年全球主要股市嘅表現，比較完之後，真係最落後嘅市場就係A股，所以下年點都輪到A股卦？
經過十九大，兩星期前的經濟工作會議，和所有公佈了的國策，A股基
金經理只有兩種想法，信或不信。不信的當然不會買。但信的也有兩種人：買了和唔買住。信而買了的會在年底的股票名單上公開了自己的策略，但萬一他錯了，A股跌，便很尷尬。信而唔買住的就冇呢個問題。可以等1月1日後開始買，中了就繼續持有，不中就賣了它，冇人知自己策略看錯了，所以1月1日後個A股應該有多些買盤，會升。這個情況也適用於個別股票如滙豐（00005.HK）、騰訊（00700.HK）、港交所（00388.HK）及內銀等。
除了上述幾隻重磅股外，H股近期鬱得幾正，小弟都覺得可高度關注，其中可睇實隻中車（01766.HK）幾正，可以當藍籌咁坐，估計明年可有不俗嘅回報。仲有，唔知大家仲記唔記得我以前提過，股災分散買多隻低市值股的建議，每隻買$5k或$10k。經過早前50隻不能買的名單後，當中有很多已跌到不合理的超殘水平，我覺得可以開始執啲，其實隻修身堂（08200.HK）近日從低位反彈已是一個好例子，至於開始執邊啲擺埋一邊等升，下期話畀你知。
不過，賭股仔最緊要睇幕後實力，好似松景科技（01079.HK）落入咗張三貨手上後，股價就狂升幾倍，而一樣由張三貨控制嘅綠領控股（00061.HK），近日就安排股權及業務大變身動作，明顯係張三貨最新一杯茶，再有中國華融為後盾，稍稍上番過去幾年第一個阻力位0.8元，已有唔錯升幅可博！
綠領前身係北亞資源，最新已成為另類資源股，現價只處資本大動作起步位高些少，而且股價又突破咗52周高位，一切已顯實力之人已經入場！資本大動作最有啟示，集團於舊年9月已尋求以每股作價10合1計嘅0.4元水平，大手發行新股注入海南及柬埔寨林業項目，其後變奏，改以4.08億元收購柬埔寨農業用地特許經營權，大部份代價以每股0.033元發行115億新股支付，即10合1計為每股0.33元、及發11.5億新股，佔擴股後13.63%。而海南項目則先以合營模式進行，相信於第二階段時，就會再發行注入其內。
第二大動作，係61於舊年向中國華融發售5,000萬美元換股債券，10合1計、可以每股0.327元兌換11.9億新股，佔擴股後14.05%，而呢批CB已由華融暗手轉俾圍內人士， 股價立見上力，明顯力人士入場嘅第一口貨源，現價較呢口貨高唔多，肯定未夠幕後倍倍聲嘅目標回報率，反映連場好戲只係一個開始而已！
再睇現任大股東張三貨，更絕非省油的燈，最佳傑作就係購入1079控股權，股價由頭升到尾，至今已累升兩倍幾，就以上述資本作價0.327至0.33元升兩倍計，已可上望1元，而圖表上第一個阻力則為0.8元，所以可依照呢條路線圖部署。
實力取勝 - 陳承龍 舊文
來源 source: http://www.winmoney.hk
