【股場解密】雅居樂剛熱身仲有排去（歐陽風）（DEC 29）
2017-12-28 23:46:32
紫光控股（00365.HK）兩日最多升逾3倍，股仔氣氛即時返哂嚟，呢隻股票在一些港股通的微信群流傳得好勁，而且一升就是要令散戶追到氣咳，顯然是內地莊家的炒作手法，加上貨源歸邊，
係可以升到你唔信，此亦是北水股炒得特別勁的理由。
事實上格隆滙早前搞咗個企業日，多家內地知名企業獲散戶積極舉手問問題，反映內地股民再非「大媽」一類具貶義之散戶，有一定的有識之仕參與，雖然可能只係一小撮，亦足夠反映此批散戶升咗呢。
內房股是第一浸炒到你唔信的年來升幅榜股，今日開始由低位回升，應該是北水早作部署，收齊貨而起動。中國政府過去兩個月積極幹預內地樓市，而且伴隨內地傳媒大吹樓市淡風，以抑止內地民眾買樓熱情，然而大部份利淡消息已作反映，少許利好消息已足夠推動內房股重新炒起。
內房股炒落後可以留意雅居樂（03383.HK），集團11月份預售金額89.8億元，預售建築面積73.9萬平方米；今年首11個月集團累積預售金額813.2億元；累積預售建築面積676.2萬平方米。作為大型內房股，雅居樂被外資大行點名稱財政穩健，公司過去一個月積極投地，包括廣州及中山多幅地皮被數歸旗下，相信股價只是初起熱身階段，現價僅重返過去三個月橫行中軸，破12元先以14元為目標。
#股場解密 #歐陽風
作者簡介：擅長鑽研公司通告與財務報表，發掘細價股、財技股及增長股
股場解密 - 歐陽風 舊文
來源 source: http://www.winmoney.hk
